Change.org سايتىندا «ماسكەۋدە وزبەكستاننىڭ تۇڭعىش پرەزيدەنتى يسلام كاريموۆ ەسكەرتكىشىن ورناتۋعا قارسىلىق» دەگەن تاقىرىپتا پەتيسيا پايدا بولدى. شارانىڭ باستاماشىسى - لدپر پارتيانىڭ مۇشەسى گەورگيي گورودەسكيي. ول رەسەي استاناسىندا «رۋسوفوب جانە ديكتاتور» يسلام كاريموۆكە ءمۇسىن ورناتىلمايدى دەپ مالىمدەدى، دەپ جازادى Qamshy.kz اقپارات اگەنتتىگى ازاتتىققا سىلتەمە جاساپ.
مۇنان بولەك، ول رەسەي «ورىس تىلىندە وقي دا، جازا دا المايتىن مادەنيەتسىز وزبەكتەرگە» ۆيزالىق رەجيم ەنگىزۋ كەرەك دەپ ەسەپتەيدى. پەتيسياعا قازىرگە دەيىن 6 مىڭ ادام قول قويعان.
2016 جىلدىڭ 1 قاراشاسىندا ماسكەۋ مەرى سەرگەي سوبيانين وزبەكستان ەلشىلىگىنىڭ الدىنا 2019 جىلدىڭ 31 جەلتوقسانىنا دەيىن يسلام كاريموۆ ەسكەرتكىشىن ورناتۋ جونىندە بۇيرىق شىعارعان.
وزبەكستان تاراپى ءمۇسىندى سالۋعا 35 ملن رۋبل بولەدى. ال ماسكەۋ بيۋدجەتىنەن گۇلزاردى بەزەندىرۋگە اقشا بولىنبەك.
ناسيوناليستى روسسيي سوبيرايۋت پودپيسي پروتيۆ ۋستانوۆكي ۆ موسكۆە پامياتنيكا يسلاما كاريموۆۋ https://t.co/sD2MzGmQTb
— قامشى اا (@qamshy) November 9، 2017
رەسەيدە 2 ميلليونعا جۋىق وزبەك دياسپوراسى تۇرادى. رەسمي مالىمەت بويىنشا، بۇگىنگى كۇنى وندا 1 ملن 700 وزبەك ەڭبەك ميگرانتى بار. ولاردىڭ 200 مىڭى تۇراقتى تۇرادى.
پىكىر قالدىرۋ