حاديشا بوكەيەۆا اتىنداعى باتىس قازاقستان وبلىستىق قازاق دراما تەاترىندا «ونەر شامشىراعى» اتتى وتباسىلىق انسامبلدەر بايقاۋى ءوتتى.

ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا وتباسى مارتەبەسىن ارتتىرىپ، ولارعا قولداۋ كورسەتۋ، حالقىمىزدىڭ ءداستۇرلى ونەرىن دامىتۋ ماقساتىندا بقو مادەنيەت، مۇراعاتتار جانە قۇجاتتاما باسقارماسىنىڭ قولداۋىمەن وبلىستىق حالىق شىعارماشىلىعى ورتالىعى ۇيىمداستىرعان ونەر سايىسىنا 10 وتباسىلىق انسامبل قاتىسىپ، باقتارىن سىنادى. بايقاۋ بارىسىندا وتباسىلىق انسامبلدەر مۇشەلەرى وزدەرىن ءار قىرىنان تانىتتى، ياعني ءبىرى قازاقتىڭ قاسيەتتى قارا دومبىراسىمەن ساحناعا شىقسا، ەكىنشىسى ەسترادالىق جانر، باياندى قولعا الدى. ءۇشىنشىسى ونەرىن بيمەن ءورىپ، كوپشىلىك قوشەمەتىنە بولەندى. ونەر دوداسىنا وڭىرگە تانىمال انشى-تەرمەشى، ق ر حالىق اعارتۋ ءىسىنىڭ ۇزدىگى، «ەرەن ەڭبەگى ءۇشىن» مەدالىنىڭ يەگەرى، حالىقتىق قابييەۆتەر وتباسىلىق ءانسامبلى جانە «قىز جىبەك» تەرمەشىلەر ءانسامبلىنىڭ جەتەكشىسى بايان قابييەۆا باستاعان قازىلار تورەلىك ەتتى. ەلىمىزدە «رۋحاني جاڭعىرۋ» باعدارلاماسىنا سايكەس كوپتەگەن جوبالار قولعا الىنۋدا. سونىڭ ىشىندە ءداستۇرلى ونەرىمىزدى دامىتۋعا مول مۇمكىندىك تۋىپ وتىر. وسى ورايدا وزىندىك قولتاڭباسى بار وتباسىلىق انسامبلدەردىڭ قاتارى كوبەيە بەرسە، نۇر ۇستىنە نۇر بولار ەدى»، دەدى ب.قابييەۆا.

سايىس قورىتىندىسىندا  قازاق ونەرىن جوعالتپاي، ۇلتتىق ونەردى اتادان بالاعا ميراس ەتىپ كەلە جاتقان وتباسىلىق ءانسامبلدىڭ ەڭ جۇيرىكتەرى انىقتالىپ، ولار گالا-كونسەرتتە ساحناعا شىقتى. اتاپ ايتقاندا، جانىبەك اۋدانىنان كەلگەن كارىموۆتەر وتباسىلىق ءانسامبلى باس جۇلدەنى جەڭىپ السا، حاسانوۆتار (قازتالوۆ) ءبىرىنشى، سيسەنوۆتەر (زەلەنوۆ) مەن بايتەمىروۆتەر (قاراتوبە) ەكىنشى، قابييەۆتەر (تەرەكتى)، بايعالييەۆتەر (شىڭعىرلاۋ) جانە بوتاشيەۆتار (ءبورلى) ءۇشىنشى ورىنعا يە بولدى. ولاردىڭ ءبارى دە ديپلومدارمەن، العىسحاتتارمەن، سىيلىقتارمەن ماراپاتتالدى.

گۇلىم اقاپ،

باتىس قازاقستان وبلىسى