تۇركى جازبالارى مەن مادەنيەتى كۇندەرى اياسىندا «تامىرى تەرەڭ ءالىپبي: جالپىتۇركىلىك بىرەگەيلىكتىڭ مىزعىماس نەگىزى» اتتى حالىقارالىق عىلىمي-پراكتيكالىق كونفەرەنسيا ءوتتى.
قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى جانە احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ ۇيىمداستىرۋىمەن وتكەن اۋقىمدى باسقوسۋعا وتاندىق جانە شەتەلدىك (اقش، تۇركيا، ورتا ازيا ەلدەرى) تۇركىتانۋشى عالىمدار، قوعامدىق جانە گۋمانيتارلىق باعىتتاعى عىلىمي-زەرتتەۋ ينستيتۋتتارىنىڭ قىزمەتكەرلەرى، جوو-نىڭ وقىتۋشى پروفەسسورلارى، جاس زەرتتەۋشىلەر مەن زيالى قاۋىم وكىلدەرى قاتىستى.
كونفەرەنسيا بارىسىندا ءتۇبى ءبىر تۇركى جۇرتىنىڭ تاڭبالىق جازۋ مادەنيەتىنىڭ بۇگىنى مەن بولاشاعى ءسوز بولدى. تۇركى جازبا مۇرالارىن زەرتتەۋدەگى كەمشىن تۇستار مەن تابىستار تارازىلاندى. كۇللى تۇركى دۇنيەسى ءۇشىن مەزگىل ماسەلەسىنە اينالعان ءبىرىزدى لاتىن قارپىنە كوشۋ تاقىرىبى تالقىلانىپ، ورتاق پروبلەمالاردى شەشۋ جولدارى قاراستىرىلدى. وتاندىق جانە شەتەلدىك تۇركىتانۋشى عالىمدار ءوزارا تاجىريبە الماسىپ، تامىرى تەرەڭ تۇركى تاڭباسىن ساقتاۋدىڭ ءتيىمدى جولدارىن قاراستىردى.
شارا تۇركى مادەنيەتىنىڭ مەرەكەلىك كونسەرتىمەن جالعاسىن تاپتى.
