21 مامىردا تاراز قالاسىنىڭ مادەنيەت ۇيىندە مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى جانە «ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك-نىڭ ۇيىمداستىرۋىمەن قازاق حاندىعى قۇرىلۋىنىڭ 550 جىلدىعىنا وراي ۇستىمىزدەگى جىلعى 21 مامىردا تاراز قالاسىندا «تۇركى جازبالارى مەن مادەنيەتى كۇندەرىن» اتالىپ وتەدى.        

اتالعان شارا تاۋەلسىز ەلىمىزدىڭ تۇتاستىعىن بەكىتە تۇسەتىن ماڭگىلىك مۇرامىز، ەجەلگى تۇركى جازۋىنىڭ كەشەگىسى مەن بۇگىنگىسىن تالقىلىپ، كوپشىلىك قاۋىمعا ناسيحاتتاپ، ونى ۇرپاقتان ۇرپاققا جەتكىزۋ، ءمان-ماعىناسى مەن تاعىلىمىن قوعام ساناسىنا ءسىڭىرۋدى ماقسات ەتەدى. شارا اياسىندا «كونە تۇركى جازبالارى مەن قازاق مادەنيەتى: ءتىل جانە تاريح» اتتى عىلىمي-پراكتيكالىق كونفەرەنسيا جانە تۇركى مادەنيەتىنە ارنالعان كونسەرت وتكىزىلەدى. شاراعا ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ باسشىلارى، ەلىمىزدىڭ بارلىق وڭىرىنەن 20-دان استام تۇركولوگ عالىمدار،  ونەر شەبەرلەرى، زيالى قاۋىم جانە ب ا ق وكىلدەرى  قاتىسادى.

سونىمەن قاتار قىرعىز، ازەربايجان ەلدەرىنەن تۇركى جازباسىن زەرتتەۋشى تۇركولوگ عالىمدار قاتىسىپ، باياندامالارى ارقىلى وزگە عالىمدارمەن وي بولىسەدى. كونفەرەنسيادا كونە تۇركى تىلىنەن باستاۋ العان العاشقى جازۋدىڭ پايدا بولۋ تاريحى، قازاق حاندىعىنىڭ 550 جىلدىعى اياسىندا مەملەكەتتىگىمىزدىڭ قالىپتاسۋ ەرەكشەلىكتەرى، ۇلتتىق قۇندىلىقتارىمىزدى حالىق ساناسىنا ءسىڭىرۋ جانە ت.ب. ماسەلەلەر ءسوز بولادى. شارا  اياسىندا  تۇركى مادەنيەتىنە ارنالعان كونسەرتتىك باعدارلاما مەن تاراز قالاسىنىڭ تاريحي ورىندارىنا ەكسكۋرسيا جاسالادى.