الماتىدا №77 اۆتوبۋستار باعىتى قايتا جاڭعىردى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

الماتىدا كولىك رەفورماسىن جانە قوعامدىق كولىكتىڭ تۇراقتى جۇيەسىن قالىپتاستىرۋ ماقساتىندا قوزعالمالى سوستاۆ جاڭارۋ ۇستىندە. جۇمىس ساپارى بارىسىندا الماتى اكىمى باۋىرجان بايبەك №77 باعىتى بويىنشا قىزمەت كورسەتۋدى باستاعان «لياز» ماركالى جاڭا اۆتوبۋسترادى كوردى.

جەكە تاسىمالداۋشى بۇل باعىتتى رەنتابەلسىز دەپ جاۋىپ تاستاعان ەدى. الايدا، قالانىڭ جولاۋشىلار كولىگى جانە اۆتوموبيل جولدارى باسقارماسى جەتىسۋ اۋدانى تۇرعىندارى ءۇشىن بۇل باعىتتى قايتا جاڭعىرتتى، ەندى كولىك «الماتى-1» تەمىرجولۆوكازلىنان وسيپەنكو – جانسۇگىروۆ كوشەلەرىن،رىسقۇلوۆ داعىلىن، كۋدەرين – روزىباكييەۆ كوشەلەرى مەن ءال – فارابي داڭعىلىن قامتيتىن بولادى، سوڭعى ايالداما «ارمان» اۆتوبەكەتى.

بۇل باعىتقا قىزمەت كورسەتۋ ءۇشىن «الماتىەلەكتروترانس» ج ش س «ەۆرو-5» ەكولوگيالىق سىنىپتاعى تومەن ەدەندى 16 جاڭا اۆتوبۋستاردى بولگەن، بۇلاردىڭ بارلىعى كونديسيونەرلەرمەن،پاندۋستارمەن، ۆيدەوباقىلاۋ كامەرالارىمەن جابدىقتالعان.

قالانىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ ايتىپ وتكەندەي، بۇل باعىتتاعى جولاۋشى لەگى تاۋلىگىنە 10 مىڭ ادام.

«جالپى، «وڭاي» كارتاسى بويىنشا كۇنىنە ميلليونعا جۋىق ترانزاكسياعا قول جەتۋدە، ءوسىم 50 مىڭ، ترانزاكسيا باعىتتاردى كوبەيتۋ جانە جىلجىمالى سوستاۆتى جاڭارتۋ جۇمىستارىنىڭ جانە باسقا دا كولىك رەفورماسى ەلەمەنتتەرىن اتقارۋ بارىسىندا قوعامدىق كولىكتى پايدالانۋشىلار قاتارىنىڭ وسكەنىن كورسەتتى»، - دەدى م.يساحوۆ.

ەستەرىڭىزگە سالساق، قازان ايىنىڭ سوڭىندا الاتاۋ اۋدانىنىڭ تۇرعىندارىن تاسىمالدايتىن 20 جاڭا اۆتوبۋس №103 باعىتى بويىنشا جولعا شىققان ەدى.

بۇلاردىڭ سوڭىن الا «Green bus company» ج ش س 50 اۆتوبۋس العان بولاتىن، جەكە تاسىمالداۋشى «اۆتو الما ترانس»ج ش س №65 باعىتى بويىنشا جاڭا اۆتوبۋستاردى شىعاردى.

بيىلعى جىلى الماتىدا 388 اۆتوبۋس الۋعا قارجى بولىنگەن بولاتىن، ولاردىڭ 132 – ءى باعىتتار بويىنشا قىزمەت كورسەتۋدە، قالعان 256 –ى جىل اياعىنا دەيىن جولعا شىعادى.

جەكە تاسىمالداۋشىلار 254 اۆتوبۋس الۋدا، ولاردىڭ 79-ى باعىتتار بويىنشا ءجۇر، جىل اياعىنا دەيىن تاعى 63 اۆتوبۋس جولعا شىعادى، قالعان 112 كولىك 2018 جىلدىڭ ناۋرىز اينىدا قىزمەت كورسەتۋدى باستايدى.