ەلباسى مەملەكەت قارجىسىن جىمقىرعاندارعا اياۋشىلىق تانىتپايدى. بارماق باستى، كوز قىستى ارەكەتتەردىڭ ورىن الماۋىن ۇقك، قارجى پوليسياسىنا جانە پروكۋراتۋرا ۇيىمدارىنا قاتاڭ قاداعالايتىن بولدى.

«ءاربىر مەملەكەتتىك قىزمەتكەردىڭ مينيستردەن باستاپ، ۆيسە-پرەزيدەنت،ايماق اكىمدەرى، كومپانيا ديرەكتورلارىنىڭ جۇمىس كۇندەرى قۇرىلىس نىساندارىنىڭ جاي-كۇيىن تەكسەرۋمەن باستالۋى قاجەت. قارجىنىڭ قالاي جۇمسالىپ، يگەرىلىپ جاتقانىن ءوز كوزىمەن كورىپ، جەمقورلىق ارەكەتتەردىڭ ورىن الماۋىن قاداعالاۋى قاجەت. مەملەكەت قالتاسىنان شىققان قارجىنىڭ تالان-تاراجعا سالىنباي جۇمىسقا جۇمىلدىرىلۋىن تەكسەرۋ كەرەك. ۇرلىق ءۇستى ۇستالعانداردى قاتاڭ جازالاۋدى تاپسىرامىز،»-دەدى ەلباسى «قازاقستاننىڭ جاڭا يندۋستريالاندىرۋى: 2014 جىلدىڭ قورىتىندىسى مەن 5 جىلدىقتىڭ ناتيجەسى» اتتى تەلەكوپىردە.

سونداي-اق باسشىلىققا ينفراسترۋكتۋرالىق جينالىس-كەزدەسۋلەردى «جىلى كابينەتتە» ەمەس قۇرىلىس نىساندارىنىڭ باسىندا وتكىزۋدى قاداپ ايتتى.

جاڭا تەحنولوگيانىڭ كومەگىمەن مەن كابينەتىمە ەكران ورناتامىن. وندا تەتىكتى باسقاندا ءار وبلىستىڭ احۋالىن،قۇرىلىس جۇمىستارىنىڭ قارقىنىن باقىلاپ تۇرۋ ءۇشىن. پرەمەر-مينيسترلەرگە دە ايتارىم سول. وسىنداي قاتاڭ قاداعالاۋدىڭ ارقاسىندا عانا جەتىستىككە جەتەمىز. ينفراسترۋكتۋرالىق نىسانداردىڭ جوباسى بەلگىلەندى، جاعداي جاسالدى، قارجى ءبولىندى، ەندى ايانباي ەڭبەك ەتۋ عانا قالدى،»-دەيدى ەلباسى.