بۇگىن وبلىس اكىمى اماندىق باتالوۆ ۇلى وتان سوعىسىنىڭ ارداگەرلەرى، ىلە اۋدانى بورالداي كەنتىنىڭ تۇرعىندارى يۆان دانيلوۆيچ تياجكوروب  پەن كوشەرحان ءالىمباي ۇلى الىمبايەۆتىڭ  وتباسىندا بولىپ، ەلباسى نۇرسۇلتان ءابىش ۇلى نازاربايەۆتىڭ اتىنان كەلە جاتقان جاڭا جىل مەرەكەلەرىمەن قۇتتىقتادى، دەپ حابارلادى وبلىس اكىمىنىڭ باسپا ءسوز قىزمەتى.ءوىڭىر باسشىسى ۇلى وتان سوعىسى ارداگەرلەرىنە مەملەكەت باسشىسى قول قويعان ارنايى قۇتتىقتاۋ حاتتارىن جانە سىيلىقتار تابىس ەتتى. وبلىس اكىمى ا.باتالوۆ ارداگەرلەرگە ەلباسىنىڭ ىستىق سالەمىن جەتكىزىپ، ەلىمىزدە نۇرسۇلتان ءابىش ۇلىنىڭ سىندارلى ساياساتى ناتيجەسىندە اتقارىلىپ جاتقان شارالار مەن ۇلى جەڭىستىڭ 70 جىلدىعىنا دايىندىق جۇمىستارى جونىندە كەڭىنەن ايتىپ بەردى. ءوز كەزەكتەرىندە ارداگەرلەر ەلباسىنا ريزاشىلىقتارىن ءبىلدىردى. - بىرىنشىدەن، ەلباسىنا مىڭ مارتە راحمەت. نۇرسۇلتان نازاربايەۆتىڭ ارقاسىندا ەلىمىز قۇدايعا شۇكىر، وركەندەپ، دامۋ ۇستىندە. قازاقستانىمىز ءقازىر بۇكىل الەمگە تانىمال. مەرەكە قارساڭىندا سوعىس ارداگەرلەرىن ەسكە الىپ، ارنايى قۇتتىقتاۋ جىبەرۋى بىزدەردى قاتتى قۋانتىپ تاستادى. شەكسىز ريزامىز. ەلباسى امان بولىپ، ەلىمىزدى بيىك بەلەستەرگە باستاي بەرسىن، - دەدى 92 جاسار كوشەرحان الىمبايەۆ. كوشەرحانالىمبايەۆ  ءقازىر 92 جاستا. اقتوبە وبلىسى، ىرعىز اۋدانىندا تۋعان. 1942 جىلدان باستاپ ۋكراينا، بەلارۋس، بالتىق جاعالاۋىندا سوعىسقا قاتىسقان. جاپونيا سوعىسىنا اتسالىسىپ، 4 رەت قاتتى جاراقات العان. يۆان دانيلوۆيچتياجكوروب  1927 جىلى تۋعان. 1942 جىلى قىزىل اسكەر قاتارىنا شاقىرىلىپ، سوعىسقا قاتىسقان.