جامبىل وبلىسىنىڭ ارداگەرلەرى پرەزيدەنت سىيلىعىن قابىلدادى

/uploads/thumbnail/20170708161326748_small.jpg

جامبىل وبلىسىندا ۇلى وتان سوعىسىنىڭ 253 ارداگەرى پرەزيدەنت اتىنان جاڭاجىلدىق سىيلىق الدى دەپ حابارلايدى "قازاقپارات". تاراز. قازاقپارات - قازاقستان پرەزيدەنتى ن.ءا. نازاربايەۆتىڭ تاپسىرماسى بويىنشا بۇگىن جامبىل وبلىسىنىڭ اكىمى كارىم كوكىرەكبايەۆ تارازدىق ءتورت ارداگەردى جاڭا جىل مەرەكەسىمەن قۇتتىقتاپ، پرەزيدەنت اتىنان جاڭاجىلدىق سىيلىقتار تابىس ەتتى، دەپ حابارلادى وبلىس اكىمى باسپا ءسوز قىزمەتىنەن. 93 جاستاعى ۋەتاي الىمقوجايەۆ ۇلى وتان سوعىسى جىلدارى 307ء-شى پولك 61 ديۆيزيا جانە 319 زەنيتتى-ارتيللەريالىق پولك قىزمەتىنىڭ باستىعى بولعان. «ەڭبەك قىزىل تۋ»، ءى دارەجەلى «ۇلى وتان سوعىسى»، «قۇرمەت»، «قىزىل جۇلدىز» وردەندەرىمەن، مەدالدارمەن ماراپاتتالعان. بەيبىت ۋاقىتىندا پارتيا قۇرىلىمدارىندا ەڭبەك ەتتى. قازاق كسر ەڭبەك سىڭىرگەن مادەني قىزمەتكەرى، كسرو كينەماتوگرافياسىنىڭ ۇزدىگى، حالىق اعارتۋ ءىسىنىڭ ۇزدىگى. حاليۋوللا دارماحانوۆ دون، بالتيكا ءۇشىن ۇرىسقا قاتىسىپ، ءبىرىنشى بەلارۋس مايدانىندا ايقاستى، ەكى رەت جارالانعان، ەمدەلگەننەن كەيىن ساپقا قايتا ورالدى. ءى دارەجەلى «ۇلى وتان سوعىسى»، ءىى دارەجەلى «دوستىق» وردەندەرىمەن، ەكى «قىزىل جۇلدىز» وردەنىمەن، «ستالينگرادتى قورعاعانى ءۇشىن»، «اسكەري ەڭبەگى ءۇشىن» مەدالدارمەن جانە مەرەيتويلىق مەدالدارمەن ماراپاتتالعان. سوعىستان كەيىن 20 جىل ورتالىق ازيا مەن لەنينگراد وڭىرلەرىندەگى اسكەري بولىمدەردىڭ جاس ساربازدارىن اسكەري تاسىلدەرگە ۇيرەتۋمەن اينالىسقان. 89 جاستاعى الەكساندرا سەرگەيەۆنا «قىزىل قالامپىر» ارداگەرلەر حورىندا ءان ايتادى، 2000 جىلى «كولوسوك» ءوز حورىن قۇردى. 88 جاستاعى ۇوس ارداگەرى ۆيكتور كارپاسوۆ باتىس، قيىر شىعىس مايدانىنا قاتىسقان، ايقاستا اۋىر جاراقات العان. ۇلى وتان سوعىسى وردەندەرىمەن، 17 مەدالمەن ماراپاتتالعان. بەيبىت ومىردە تەمىر جول سالاسىنداعى ادال ەڭبەگى ءۇشىن قۇرمەت پارتيالىق گراموتالاردىڭ يەگەرى اتانعان. ۇوس ارداگەرلەرىن قولداۋ بويىنشا ق ر پرەزيدەنتىنىڭ جالپۇلتتىق اكسياسى شەڭبەرىندە جامبىل وبلىسىنىڭ 253 ارداگەرى پرەزيدەنتتەن سىيلىق الدى. الداعى 2015 جىل - ۇلى وتان سوعىسىنىڭ 70 جىلدىعى، تمد ەلدەرىندە ارداگەر جىلى ەكەنىن اتاپ وتەمىز.

جامبىل وبلىسىنىڭ ارداگەرلەرى پرەزيدەنت سىيلىعىن قابىلدادى

قاتىستى ماقالالار