ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ابۋ-دابيدە بىرىككەن اراب امىرلىكتەرىنىڭ تولەرانتتىلىق ءمينيسترى شەيح ناحايان بەن مۋباراك ءال ناحايانمەن كەزدەستى.

كەزدەسۋ بارىسىندا نۇرلان ەرمەكبايەۆ ءدىن سالاسىندا جۇزەگە اسىرىلىپ جاتقان مەملەكەتتىك ساياسات تۋرالى بايانداپ، قازاقستان مەن بىرىككەن اراب امىرلىكتەرى اراسىنداعى ەكىجاقتى ىنتىماقتاستىقتى دامىتۋدىڭ ماڭىزدىلىعىن اتادى.

قازاقستان مەن ءباا كوپ جاقتى الاڭداردا، سونىڭ ىشىندە بۇۇ (بىرىككەن ۇلتتار ۇيىمى)، يىۇ (يسلام ىنتىماقتاستىق ۇيىمى)، اوسشك-تەرمەن (ازياداعى ءوزارا ىقپالداستىق جانە سەنىم شارالارى جونىندەگى كەڭەس) ءتيىمدى ىنتىماقتاستىق ورناتىپ، وزەكتى حالىقارالىق ماسەلەلەردى شەشۋدە بىرلەسىپ ارەكەت ەتۋدى ۇيلەستىرۋدە.  

نۇرلان ەرمەكبايەۆ بىرىككەن اراب امىرلىكتەرىنىڭ تولەرانتتىلىق ءمينيسترى شەيح ناحايان بەن مۋباراك ءال ناحاياندى 2018 جىلى 10-11 قازاندا استانادا جوسپارلانعان VI الەمدىك جانە ءداستۇرلى دىندەردىڭ سەزىنە قاتىسۋعا شاقىردى.

سونىمەن قاتار، ن. ەرمەكبايەۆ ابۋ-دابيدەگى ق ر ەلشىلىگىنىڭ ۇيىمداستىرۋىمەن وتكەن ق ر تاۋەلسىزدىگى كۇنى جانە قازاقستان مەن ءباا اراسىنداعى ديپلوماتيالىق قاتىناستاردىڭ ورناعانىنا 25 جىل تولۋىنا ارنالعان رەسمي قابىلداۋعا قاتىستى.

ەستەرىڭىزگە سالا كەتەيىك، ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ابۋ-دابيدە وتكەن مۇسىلمان قوعامىندا بەيبىتشىلىكتى نىعايتۋ بويىنشا «الەمدىك بەيبىتشىلىك جانە يسلاموفوبيا» تاقىرىبىنداعى IV حالىقارالىق فورۋمعا قاتىستى.