شىمكەنتتە «ەكى جۇلدىز» سالتانات سارايىندا ەلورداسى - استانانىڭ 20 جىلدىق مەرەيتويىنا وراي سالتاناتتى ءىس-شارا ۇيىمداستىرىلدى، دەپ جازادى Qamshy.kz اقپارات اگەنتتىگى. 

سالتاناتتى كەشتە قوناقتار استانا تۋرالى فوتو جانە كىلەم كورمەسىن تاماشالادى. سونىمەن قاتار، ەلدىڭ الەۋمەتتىك جانە ەكونوميكالىق دامۋىنا ۇلەس قوسىپ، حالىق قاجەتىنە جارايتىن نىساندار سالعان ازاماتتاردىڭ ەڭبەگى ەسكەرىلدى. جاعدايى قاراپايىم وتباسىلارعا كومەك قولىن سوزعان قوعام بەلسەندىلەرى مەن ءبىرقاتار كاسىپكەرلەر ماراپاتتالدى. 

 ايتا كەتسەك،  پرەزيدەنت نۇرسۇلتان نازاربايەۆ قازاق ەلىنىڭ استاناسىن الماتىدان اقمولاعا كوشىرۋ جونىندەگى تاريحي جارلىققا قول قويدى. بۇل كۇن – تەك ەلوردا تۇرعىندارىنىڭ عانا ەمەس، مۇقىم قازاققا ءتان مەرەيلى مەرەكە. كەمەڭگەر ساياساتكەردىڭ وسىناۋ كورەگەن شەشىمىنىڭ دۇرىس ەكەنىن بۇگىندە ۋاقىتتىڭ ءوزى دالەلدەپ بەردى. كوپ ۇزاماي استانا ەلىمىزدىڭ ەكونوميكالىق، ساياسي، مادەني ءومىرىنىڭ قايناعان ورتاسىنا اينالدى. سالتاناتتى شارانىڭ ءالقيسساسى استانا تۋرالى ازىرلەنگەن ارنايى بەينەفيلممەن باستالدى.

بۇدان سوڭ ءوڭىر باسشىسى ەلىمىزدىڭ دامۋى مەن وسىپ-وركەندەۋىنە ەلەۋلى ۇلەس قوسقان 20 مەسەناتتى ماراپاتتادى. ولارعا «وبلىسقا سىڭىرگەن ەڭبەگى ءۇشىن» مەدالى مەن العىس حات تابىس ەتىلدى.  ەڭبەگى ەسكەرىلگەندەردىڭ ىشىندە شىمكەنت قالالىق ءماسليحاتىنىڭ دەپۋتاتى عاني احمەتبايەۆتىڭ قايىرىمدى ءىسىن ايرىقشا اتاپ ءوتىلدى. 

قايىرىمدىلىق پەن مەسەناتتىق قىزمەتتى دامىتۋ جۇمىستارىنا  وڭىردەگى ءتۇرلى ۇلت پەن ۇلىس وكىلدەرى دە ۇلەس قوسىپ ءجۇر. ولارعا ەلباسىنىڭ اتىنان قازاقستان حالقى اسسامبلەياسىنىڭ «جومارت جان» توسبەلگىسى تاعىلدى. لاتيپشا اسانوۆ وسى ماراپاتقا يە بولدى.