بيىل شىمكەنت قالالىق تىلدەردى وقىتۋ ورتالىعىنىڭ قۇرىلعانىنا 20 جىل تولدى، دەپ جازادى Qamshy.kz اقپارات اگەنتتىگى. وسى ورايدا  «ءتىل. تاۋەلسىزدىك. تاعىلىم» اتتى عىلىمي پراكتيكالىق كونفەرەنسيا ءوتتى. قالالىق تىلدەردى وقىتۋ ورتالىعىنىڭ قۇرىلعانىنا ارنالعان ءىس-شاراعا وبلىس، قالا اكىمدەرىنىڭ ورىنباسارلارى مەن زيالى قاۋىم وكىلدەرى، ءتىل جاناشىرلارى قاتىستى.

ءتىل ءبىلىمىنىڭ وركەندەۋىنە سۇبەلى ۇلەس قوسىپ جۇرگەن ورتالىقتىڭ مەرەيتويىنا ارنالعان عىلىمي جيىنعا ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك تە كەلدى. كەزدەسۋ بارىسىندا ەردەن قاجىبەك  لاتىن ءالىپبيىنىڭ ماڭىزدىلىعى تۋرالى ويلارىمەن ءبولىستى.

ايتا كەتەيىك، 1997 جىلدان بەرى ورتالىقتا 20 357 ازامات ءبىلىم العان. ولاردىڭ 16799 قازاق ءتىلىن، 2115 اعىلشىن ءتىلىن مەڭگەرسە، 1443ء-ى ورىس ءتىلىن وقىپ شىققان. ءتىل وقىتۋ ورتالىعىندا التى مىڭنان اسا مەملەكەتتىك قىزمەتكەر وقىپ، ءتىل سىندىرعان. ورتالىق «ىسكەر قازاق ءتىلىن» ءىرى كاسىپورىندار مەن ۇلتتىق كومپانيالار قىزمەتكەرلەرىنە دە تەگىن وقىتادى.