شىمكەنت بيلىگى مۇگەدەكتەرگە جىل باسىنان بەرى 687 مۇگەدەكتەر ارباسىن سىيعا تارتتى، دەپ حابارلايدى Qamshy.kz اقپارات اگەنتتىگى.  قالالىق اكىمشىلىك وكىلدەرىنىڭ ايتۋىنشا، جاعدايى تومەن مۇگەدەك جاندارعا تۇراقتى تۇردە كومەك كورسەتىلىپ وتىرادى. ولاردىڭ قاتارىندا 800 ادام الەۋمەتتىك قىزمەتكەرلەردەن كومەك السا، 493 وتباسىنىڭ بالالارىنا قارجىلاي كومەك كورسەتىلەدى.

سونىمەن قاتار جىل باسىنان بەرى 1200 مۇگەدەك ارنايى ەمدەلۋ ورتالىقتارىنا جولداما العان.

ايتا كەتەتىن جايت، 2016 جىلى نەگىزى قالانعان «الەۋمەتتىك تاكسي» جوباسىن «ينۆا تاكسي» جوباسىمەن جالعاسىن تاپتى. وسى ۋاقىتقا دەيىن «الەۋمەتتىك تاكسي» جوباسى بويىنشا 717 ادامعا قىزمەت كورسەتىلسە، 514 ادام «ينۆا تاكسي» قىزمەتىنە جۇگىنگەن.

ال قالا اكىمدىگى قالاداعى اۆتوبۋستاردا مۇگەدەكتەرگە ارنالعان ارنايى ورىنداردى دايارلاۋدى قولعا الماق.