شىمكەنتكە نۇرلان ساۋرانبايەۆتىڭ اكىم بولىپ سايلانعانىنا اي تولدى، دەپ حابارلايدى Qamshy.kz اقپارات اگەنتتىگى. 

وسى ۋاقىت ىشىندە اكىم 117 گەكتار جەردى الىپ جاتقان شىمكەنت قالاسىنىڭ جۇمىستارىمەن تانىستى. ءوزىنىڭ الداعى جوسپارلارىمەن ن. ساۋرانبايەۆ شىمكەنت قالاسىنداعى جانە وقو-داعى ب ا ق وكىلدەرىمەن كەزدەسۋ بارىسىندا ءبولىستى.

قالا باسشىسى ءوز سوزىندە حالىق پەن حالىقتىڭ ءسوزى ەسكەرۋسىز قالمايتىنى ايتىلدى. حالىقتىڭ بارلىق ساۋاپتارىنا جاۋاپ بەرىلەتىنىن دە تىلگە تيەك ەتتى قالا اكىمى.  سونىمەن قاتار، قالاداعى ترانسپورت ماسەلەلەرى مەن كوممۋنيكاسيا قالا اكىمدىگىنىڭ باستى نازارىنداعى ماسەلەلەر ەكەنىن ايتتى.

نۇرلان ساۋرانبايەۆ جۇمىستىڭ جاڭا فورماتىن دا تانىستىرىپ ءوتتى. ءقازىر اكىمدىكتىڭ ارنايى وكىلى بار. جاڭا فورمات بويىنشا،  ب ا ق وكىلدەرىنىڭ جينالىستارعا قاتىسپايدى.  اكتۋالدى سۇراقتارعا اكىمنىڭ ارنايى وكىلى جاۋاپ بەرەتىن بولادى. وسى تۇستا اكىم بۇل فورماتتىڭ اكىمنىڭ حالىقتان جاسىرىن بولۋى ەمەس ، كەرىسىنشە، ب ا ق پەن اكىمدىكتىڭ ءبىر قازاندا قايناپ جاتقانىنىڭ بەلگىسى ەكەنىن اتاپ ءوتتى.

سونىمەن قاتار، قالا اكىمى ءوز سوزىندە جۋرناليستەرگە سىني ماقالا جازۋدى ۇسىندى.

"بارلىق اكىم بەلگىلى ءبىر قارجىمەن شەكتەلەدى. بۇل جاعىن دا تۇسىنىڭىزدەر. بۇگىندە قالا بيۋدجەتى 40-45 ملرد تەڭگەنى قۇراپ وتىر. ال شىمكەنتتە 3000 كم اۆتوجول بار جانە ونىڭ تەڭ جارتىسى اسفالتتەلمەگەن. ەگەر مەن بارلىق قارجىنى جولداردى جوندەۋگە جىبەرسەم قالامىزدا بىردە-بىر مەكتەپ، اۋرۋحانا بوي كوتەرمەس ەدى. قارجىنىڭ بارلىعىنا بىردەي جەتپەيتىنىن ءتۇسىنۋىمىز قاجەت جانە ناقتى جوسپارمەن جۇمىس ىستەۋىمىز كەرەك" دەپ ايتىپ ءوتتى قالا اكىمى.