شىمكەنتتە شىمكەنت قالالىق ءماسليحاتىنىڭ كەزەكتەن تىس XXIII سەسسياسى ءوتتى. دەپۋتات ەربولات نۇرماحانوۆ ءتوراعالىق ەتكەن سەسسيا جۇمىسىندا ەكى ماسەلە قارالدىدەپ حابارلايدى Qamshy.kz اقپارات اگەنتتىگى. 

قالا اكىمىنىڭ ورىنباسارى گۇلجان قۇرمانبەكوۆا 2017-2019 جىلدارعا ارنالعان شىمكەنت قالاسىنىڭ بيۋدجەتىن ناقتىلاۋ ماسەلەسى بويىنشا بايانداما جاسادى.

گۇلجان قۇرمانبەكوۆانىڭ ايتۋىنشا، قالا بيۋدجەتىنىڭ كولەمى 4 ملرد 110،8 ملن تەڭگەگە ۇلعايتىلىپ، جالپى 131 ملرد 232،7 ملن تەڭگەگە جەتىپ وتىر. ال اتالعان وزگەرىستەر تۇراقتى كوميسسيالاردا تالقىلانعان.

ايتا كەتسەك، رەسپۋبليكالىق بيۋدجەتتەن بولىنگەن ترانسفەرتتەر بويىنشا ءبىلىم، قۇرىلىس، تۇرعىن ۇي-كوممۋنالدىق شارۋاشىلىق بولىمدەرىنە، ينجەنەرلىك-كوممۋنيكاسيالىق جوبالار بويىنشا قوسىمشا قارجى قارالۋدا.

سونداي-اق، وبلىستىق بيۋدجەت ترانسفەرتتەرى 408،9 ملن تەڭگەگە ارتقان. نەگىزىنەن، تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى، ءبىلىم بولىمىنە قوسىمشا قارجى قارالىپ وتىر.

جيىندا №22 وكرۋگتەن سايلانعان قالالىق ءماسليحاتتىڭ دەپۋتاتى رامازان سەيداحمەت ۇلى بەكتۇرعانوۆ تۇراقتى كوميسسيا مۇشەلىگىنە سايلاندى.  

سونىمەن قاتار ، قالا اكىمى نۇرلان ساۋرانبايەۆ ءماسليحاتتىڭ سەسسياسىنا العاش رەت قاتىستى. جيىندا ءسوز العان شاھار باسشىسى قالانىڭ دامۋىنا  الدا بىرلەسە جۇمىس ىستەيتىنىنە سەنىم ءبىلدىردى.