الماتىنىڭ تۋريستىك الەۋەتىنىڭ ارقاسىندا قالا بيۋدجەتىنە قانشا قارجى ءتۇسىپ وتىر؟ بۇل سۇراققا قالاداعى قوعامدىق كەڭەس وتىرىسىندا جاۋاپ بەرىلدى.

كەڭەس مۇشەلەرى الدىندا قالالىق تۋريزم جانە سىرتقى بايلانىس باسقارماسىنىڭ باسشىسى ەرلان جايلاۋباي ەسەپ بەردى.

«تۋريزم سالاسى قالانىڭ جالپى ايماقتىق ونىمىنە 1،5% عانا ۇلەس قوسىپ وتىر. ەلىمىزدىڭ جىو-دە تۋريزم سالاسى 1%-دى الىپ وتىر. ال الەمدىك تاجىريبەدە تۋريزم ءجىو-نىڭ 10 پايىزىن اكەلەدى. بىلتىر الەمدە 1،2 ملرد ادام ساياحاتتاعان. بۇل ساندارعا قاراساق، بىزگە ءالى دە كوپ جۇمىس جاساۋ كەرەكتىگى كورىنىپ تۇر. ۇيىمداسقان تۋريزم ۇلەسى - 20%. 2016 جىلى قازاقستانعا 6 ملن شەتەلدىك كەلگەن. الماتىدا 400 000 شەتەل ازاماتى بولسا، ولاردىڭ 56 مىڭى عانا تۋريست رەتىندە ساياحاتتاپ كەلگەن»، - دەدى ول.

ونىڭ ايتۋىنشا، الماتى قالاسىندا رەسەي، يران، جۇڭگو، ءۇندىستان ەلدەرىنەن تۋريست تارتۋدى قولعا الماق.

«ءبىز جۇرگىزگەن ساراپتاماعا سايكەس ساۋالناما الىنعان 20 مىڭ ادام الماتى قالاسىن جەكە تۋريستىك ورىن دەپ ەمەس، ورتالىق ازيانى تۇگەل قاراستىراتىنى بايقالدى. الەمدىك تۋريستىك ۇيىمىمەن بىرىگە وتىرىپ جىبەك جولى» باعدارلاماسىن جاساپ جاتىرمىز. تۋريستىك مارشرۋت الماتىدان باستالىپ، وزبەكستان، قىرعىزستان ەلدەرىنىڭ قالالارىن ارالاپ، الماتىعا قايتا ورالادى. باستى ماقسات - قىزمەت ساپاسىن جاقسارتۋ»، - دەدى ەرلان جايلاۋباي.

باسقارما باسشىسى الماتىنىڭ تۋريستىك ەرەكشەلىگىن دە اتاپ ءوتتى.

«الماتى - تازا ازيا نەمەسە ەۋروپا قالاسى ەمەس. ول كوسموپوليتتىك ايماقتىق سيمبيوزى، يۋنەسكو مۇرالارى بار، ۇلى جىبەك جولىندا ورنالاسقان ەرەكشە قالا. مۇندا 30 جۋىق ەلدىڭ اس ءمازىرى ۇسىنىلادى. مۇندا تاۋ ءتۋريزمى مەن مەديسينالىق ءتۋريزمدى دامىتۋعا بار كۇشىمىزدى سالامىز»، - دەدى ە.جايلاۋباي.

ايتا كەتۋ كەرەك، بۇرىنىراق الماتىنى شەتەلگە تانىتۋعا قانشا قارجى بولىنگەنىن حابارلاعان بولاتىنبىز.

الماتىنىڭ تۋريستىك الەۋەتى تۋرالى وتكەن قوعامدىق كەڭەستە وتىرىسىندا ەكسكۋرسيالىق اۆتوبۋس باعدارلارىنىڭ دامۋى تۋرالى ماسەلە كوتەرىلدى.

قالالىق تۋريزم جانە سىرتقى بايلانىس باسقارماسىنىڭ باسشىسى ەرلان جايلاۋبايدىڭ ايتۋىنشا، ەكسكۋرسيالىق اۆتوبۋستارعا ارنايى تۇراق بولۋگە جانە اۆتوبۋس جولاعىمەن جۇرۋگە رۇقسات بەرۋ تۋرالى اۋىزشا كەلىسىم جاسالعان.

«ءقازىر ماماندارمەن بىرىگە وتىرىپ تۇراق ورىندارىن بەلگىلەدىك. اكىمشىلىك پوليسيامەن اۋىزشا كەلىسىم بار. مەموراندۋمعا قول قويۋعا ازىرلىك بار. سونىمەن قاتار، ەكسكۋرسيالىق اۆتوبۋستارعا ارنايى اۆتوبۋس جولاعىمەن جۇرۋگە رۇقسات بەرەتىن جول قوزعالىسى ەرەجەلەرىنە وزگەرىس ەنگىزەمىز. كەلەر تۋريستىك ماۋسىمنىڭ باسىندا جۇمياس اياقتالادى»، - دەدى ەرلان جايلاۋباي.

«سپەستەحپاركينگ» كومپانياسىمەن جۇرگىزىلىپ جاتقان كەلىسىم بارىسىندا ەكسكۋرسيالىق اۆتوبۋستارعا كەم دەگەندە ءبىر ورىن قالدىرۋ مۇمكىندىگىن قاراستىرىلۋدا.

ونىڭ ايتۋىنشا، ءقازىر قالادا جاڭا تۋريستىك اۆتوبۋس باعدارلارى جاسالىپ جاتىر.

«ەلەكتروبۋستارعا سۇرانىس كوپ. الماتىدا ەكى باعىتتا تۋريستىك ەلەكتروبۋس ءجۇرىپ تۇر. كولىكتەر Smart-تۋريزم كومپانياسىنىڭ اۋديوگيدتەرىمەن جابدىقتالعان. 1 500 تەڭگەگە كەز-كەلگەن ادام الماتىنى ارالاي الادى»،- دەدى ەرلان جايلاۋباي.

ايتا كەتۋ كەرەك، تۋريستىك باعىتتاعى قوس ەلەكترواۆتوبۋس 13 قازاندا جولعا شىققان بولاتىن.