المالى اۋدانى اكىمىنىڭ اپپاراتى ۇلى وتان سوعى­سىنىڭ ارداگەرى ابەن تۇرسىنبايۇلىن 100 جاسقا تولۋ مەرەيتويىمەن قۇت­تىق­تادى. المالى اۋدانى اكىمىنىڭ ورىنباسارى اينۇر بەكجانوۆا بۇل ەرەكشە مەرەكەدە ارداگەردى قۇت­تىقتاي وتىرىپ، وعان مىقتى دەنساۋلىق پەن ۇزاق ءومىر تىلەدى!

مۇنداي وقيعا ءار ادامنىڭ ومىرىندەگى ەڭ كەرەمەت ءجايت دەپ ايتۋعا بولادى. ويتكەنى، 100 جىل ءومىر ءسۇرۋ بۇل – 1 عاسىردىڭ ءتىرى تاريحى. ابەن اتا قوناقتاردى ۇيدە جىلى قارسى الدى جانە كەزدەسۋ بارىسىندا وتكەن ءومىرىن ەسكە الىپ، قىزىقتى جايتتار تۋرالى قوناقتارعا ايتىپ بەردى.

بەردەنوۆ ابەن تۇرسىن­باي ۇلى  1917 جىلى 7 قاراشادا قاراعاندى وبلىسى، ۇلىتاۋ اۋىلىندا دۇنيەگە كەلگەن. ول  سوعىستىڭ العاشقى كۇندەرىن سول باياعىداي ەسىندە ساقتاعان. ماي­دانعا 1941 جىلدىڭ 15 تامىزىندا 24 جاسىندا قازاق پەداگوگيكالىق ينستيتۋتىنىڭ سوڭعى كۋرسىندا وقىپ ءجۇرىپ، سەس­سياسىن ەندى جاپ­قان كەزدە الى­نادى. 1938 جىلى ول الماتىداعى قازپي حيميا-بيولوگيا فاكۋل­تە­ءتىنىڭ ءبىرىنشى كۋرسىنا تۇسكەن ەكەن.

1941 جىلعى جەلتوقسان ايىندا ءبىرىنشى رەت جارالانىپ، گوسپي­تال­عا جونەلتىلەدى. ودان سوڭ باتىس شەبىندە 449-شى اتقىشتار پولكىندە بولادى. 1942 جىلى رجيەۆ ماڭىندا ەكىنشى رەت جارالانادى. وق جۇرەگىن جاناي وتكەن ەكەن، كوماندير ونى قايتىس بولدى دەپ ويلاپ، ۇيىنە «قارا قاعاز» جونەل­تەدى، ءبىراق ابەن تۇرسىنباي ۇلى امان قالادى. ۇلى وتان سوعىسى­نىڭ ەڭ قاندى بولىگى – ستالينگراد تۇبىندەگى شايقاسقا قاتىسقان. 1941 جىلى ابەن اتا ءوزىنىڭ ءماس­كەۋدى قورعاعانى ءۇشىن  1-ەستە­لىك وردەنىن، وتان الدىنداعى سىڭىرگەن ەرلىگى ءۇشىن قىزىل جۇل­دىز وردەنىن جانە 1-دارەجەلى ۇلى وتان سوعىسى وردەنىن يەلەنەدى.

ابەن تۇرسىنباي ۇلىنىڭ ءتوس­بەلگىلەرى مەن ماراپاتتارى وتە كوپ. 1945 جىلعى 15 قاراشادا ول اسكەردەن قايتارىلادى، ءبىراق وتانىنا تەك 1،5 اي وتكەندە عانا ورالادى. سوعىس اياقتالعان سوڭ ينستيتۋتتى اياقتاپ، ەڭبەك جولىن  ابەن تۇرسىنباي ۇلى قاتارداعى وقىتۋ­شى بولىپ باستاپ، مەكتەپتە وقۋ ءىسىنىڭ مەڭگەرۋ­ءشىسى، ديرەكتور قىزمەتىن اتقاردى. 1977 جىلدان باستاپ  ەڭبەگى سىڭگەن زەينەتكەر. قاريا جەتى بالانى تاربيەلەپ ءوسىرىپ، بۇگىندە نەمەرە مەن شوبەرە ءسۇيىپ وتىر.