الماتىدا ق ر تۇڭعىش پرەزيدەنتى ارحيۆىندە «قالىپتاسقان مەملەكەتتىڭ ستراتەگيالىق سەرپىلىسى: «قازاقستان - 2030-دان» «قازاقستان-2050» - گە» اتتى تاقىرىپتا دوڭگەلەك ۇستەل وتىرىسى ءوتتى.

جيىن تاۋەلسىز قازاقستاننىڭ العاشقى باعدارلاماسى - «قازاقستان -2030» ستراتەگياسىنىڭ قابىلدانعانىنا 20 جىل تولۋىنا وراي وتكىزىلدى.

ق ر تۇڭعىش پرەزيدەنتى ءارحيۆىنىڭ باس ديرەكتورى بوريس جاپاروۆ تاۋەلسىزدىك قازاق حالقىنىڭ سان عاسىرلىق ارمانىنىڭ ورىندالۋى ەكەندىگىن اتاپ ءوتتى.

«1990 جىلداردىڭ ءبىرىنشى جارتىسىندا انىقتالعان قازاقستاندىق مەملەكەتتىلىكتى قۇرۋدىڭ ستراتەگيالىق مىندەتى مىقتى پرەزيدەنتتىك بيلىگى بار ەگەمەندى مەملەكەت رەتىندە دامۋ ەدى. بۇل مىندەتتەر ەلىمىزدىڭ پرەزيدەنتىنىڭ 1992 جىلعى «قازاقستاننىڭ ەگەمەندى مەملەكەت رەتىندە قۇرىلۋ جانە دامۋ ستراتەگياسىندا» ورىن الدى. قازاقستان تاۋەلسىزدىك جىلدارىندا قارىشتى دامىپ، الەمنىڭ دامىعان 50 ەلىنىڭ قاتارىنان ورىن الدى، قازاقستان-2030 ستراتەگياسىن مەرزىمىنەن بۇرىن ورىنداپ، قازاقستان-2050 ستراتەگيالىق باعدارلاماسى مەن ۇلت جوسپارى «100 ناقتى قادام: زاماناۋي مەملەكەت ءبارى ءۇشىن» باعدارلاماسىن جۇزەگە اسىرۋعا كىرىستى»،-دەدى بوريس جاپاروۆ.

سونداي-اق ول سوزىندە 26 جىل - تاريح ءۇشىن كوپ ۋاقىت ەمەس ەكەندىگىن، الايدا بىرنەشە جىلدار دا عاسىرلاردىڭ ورنىن باساتىنىن، كوپتەگەن ۇرپاق تاعدىرىن شەشەتىندىگىن ايتتى. 

«تاۋەلسىزدىگىمىزدىڭ ءدال وسى 26 جىلىندا ەكونوميكادا، ساياسات بەن قوعامدىق قۇرىلىستا زور يگىلىكتەرگە قول جەتكىزدىك. كوپ ەتنيكالىق حالقى بار ەلىمىزدە بەيبىتشىلىك پەن تۇراقتىلىق تولىقتاي ورناپ، ۇلتتىق قۇرىلىستىڭ قازاقستاندىق مودەلى دۇنيەجۇزىنە ۇلگى بولدى. كەز-كەلگەن قازاقستاندىق ەلىمىز جەتكەن جەتىستىكتەردىڭ كۋاسى، ءوز وتانىنىڭ پاتريوتى. بۇل كەزەڭ بۇكىل الەم مويىنداعان قازاقستاننىڭ مەملەكەت رەتىندە قالىپتاسۋىمەن تاريحتا قالادى»، - دەدى بوريس جاپاروۆ.

جيىن بارىسىندا ق ر پرەزيدەنتى جانىنداعى قازاقستاندىق ستراتەگيالىق زەرتتەۋلەر ينستيتۋتىنىڭ الماتى قالاسىنداعى بولىمشەسىنىڭ باسشىسى، ساياسي عىلىمدارىنىڭ كانديداتى مادينا نۇرعالييەۆا، ق ر پرەزيدەنتىنىڭ ءارحيۆى ديرەكتورىنىڭ ورىنباسارى، تاريح عىلىمدارىنىڭ دوكتورى قايرات شاكارىم ۇلى ءالىمعازينوۆ بايانداما وقىدى.

سونىمەن قاتار «قازاقستان - 2030-دان» «قازاقستان-2050- گە» تاقىرىبىندا ماڭىزدى تاريحي قۇجاتتاردىڭ كورمەسى ءوتتى.

قازاقستان رەسپۋبليكاسىنىڭ تاۋەلسىزدىك كۇنىنە وراي بەلسەندى قىزمەت كورسەتكەن ارحيۆ قىزمەتكەرلەرى العىس حاتتارمەن ماراپاتتالدى.