الماتىداعى №7ء-شى كلينيكالىق اۋرۋحانادا «ترياج» جۇيەسى ءوز جۇمىسىن باستادى. اتالعان جاڭاشىلدىق ىرىكتەۋ دەگەندى بىلدىرەدى. ياعني، مەديسينالىق قىزمەت ساپاسىن جاقسارتۋعا باعىتتالعان جوبا. قابىلداۋ بولىمىنە كەلىپ تۇسكەن ناۋقاستار ءۇش توپقا بولىنەدى. ولاردى ەسىك الدىندا مەنەدجەرلەر كۇتىپ الادى. جاعدايىنىڭ اۋىرلىعىنا قاراي سارى، جاسىل، قىزىل ءتۇستى بىلەزىكتەر قاراستىرىلعان. قىزىل بىلەزىك - شۇعىل تۇردە مەديسينالىق كومەك كورسەتىلۋ كەرەك دەگەندى بىلدىرەدى. ال، سارى - جاعدايى ورتاشا، جاسىل ءتۇس - جاراقاتتىڭ جەڭىل ەكەنىن كورسەتەدى.

«مىنا كەلگەن ناۋقاستاردى ءبولۋ كەرەك. ءبىرىنشى – قاي ناۋقاستى رەانيماسيوننىيعا اپارۋ كەرەك. قاي ناۋقاسپەن بىردەن دارىگەر اينالىسۋ كەرەك. قاي ناۋقاس جارتى ساعاتتاي كۇتە الادى ول ناۋقاسپەن ورتا بۋىن ماماندار اينالىسادى. سونى ءبىز ءتۇسىنۋىمىز كەرەك. «ترياج» سول ءۇشىن»، - دەدى الماتى قالاسى №7 قالالىق كلينيكالىق اۋرۋحاناسىنىڭ باس دارىگەرى مارات ابدۋللايەۆ.

مۇنداعى تىڭ تەحنولوگيالار ناۋقاستارعا ساپالى قىزمەت جاساۋعا مۇمكىندىك بەرەدى. سونداي-اق، تۇرعىنداردىڭ سان الۋان سۇراقتارىنا جاۋاپ بەرەتىن «كول ورتالىق» پايداسىن تيگىزۋدە. ديسپەچەرلەر تاڭعى سەگىزدەن كەشكى سەگىزگە دەيىن قوڭىراۋ قابىلدايدى. ال، تۇندە ساۋالدار اۆتوماتتى تۇردە جازىلادى. 

دارىگەرلەردىڭ سوزىنشە، جاڭادان ەنگىزىلگەن جۇيە قابىلداۋ بولىمىندەگى كەزەكتىڭ سانىن ازايتادى. ناۋقاستاردىڭ ۋاقىتىن ۇنەمدەۋگە سەپتىگىن تيگىزەدى. سونىمەن قاتار، مەديكتەردىڭ جۇمىسىن وڭتايلاندىرادى. بولاشاقتا اتالعان جاڭاشىلدىق قالانىڭ بارلىق اۋرۋحانالارىنا ورناتىلماق.

مەديسينالىق رەفورما مۇنىمەن شەكتەلگەن جوق. قالانىڭ №16-شى ەمحاناسى دا ساندىق قىزمەتكە كوشكەن. مۇندا دارىگەرلەرگە جازىلۋ بارىسىن جەدەلدەتۋگە مۇمكىندىك بەرەتىن ەلەكتروندىق تىركەۋ، ەسەپكە الۋ، قان تاپسىرۋ بولىمىندەگى ەلەكتروندىق كەزەك سىندى جاڭاشىلدىقتار ورناتىلعان. ەندى، مەديسينالىق اقپارات جۇيەسىن ەندىرۋدىڭ سوڭعى كەزەڭى - ەلەكتروندى امبۋلاتوريالىق كارتانى قولدانىسقا ەنگىزۋ قالىپتى.

«ەڭ سوڭعى ءقازىر ەنگىزىلىپ جاتقان بۇل امبۋلاتورنايا كارتا. 2018ء-شى جىلدىڭ ءبىرىنشى ايىنان باستاپ بىزدە ول جۇمىس ىستەيدى. بۇل كادىمگىدەي دارىگەرگە دە، ناۋقاستىڭ وزىنە دە وتە پايدالى زاتتار»، - دەدى  الماتى قالاسى №16 ەمحاناسى باس دارىگەرىنىڭ ورىنباسارى اسەل حاميدوللا.

سونىمەن قاتار، اقش-تا قۇراستىرىلعان سمارت تەحنيكا جۇمىس ىستەپ تۇر. قۇرىلعى وسىدان 4 جىل بۇرىن جەتكىزىلگەن ەكەن. ول، جۇرەكتەگى اقاۋدى انىقتاۋعا سەپتىگىن تيگىزەدى. ياعني، ناۋقاستىڭ دەنەسىنە ەلەكتروتتار جابىستىرىلادى، كەيىن ادام اقىرىن جۇرە باستادى. ال، دارىگەرگە ەمدەلۋشىنىڭ جۇرەك قاعىسى سان تۇرىندە مونيتوردان كورىنىپ تۇرادى. «سمارت جابدىق جۇمىسىمىزدى وڭتايلاندىردى»، - دەيدى مەديكتەر.

«الماتى قالاسىندا بۇل زات كوپ ەمحانادا جوق. سوندىقتان ءبىزدىڭ ەمحانامىزعا كارديو-ستاندارت وتكىزۋ ءۇشىن كوپ ەمحانالار ناۋقاستارىن جىبەرەدى»، - دەدى دەدى  الماتى قالاسى №16 ەمحاناسى باس دارىگەرىنىڭ ورىنباسارى.

الماتىداعى ەمحانالارعا الەمدەگى وزىق تەحنيكالاردى الدىرۋ بىرتىندەپ جۇزەگە اسا بەرەدى. ال، مەديسينا قىزمەتكەرلەرى دە جىل سايىن شەتەلگە بارىپ، بىلىكتىلىكتەرىن ارتىراتىن بولادى.

ايتا كەتەيىك، تۇرعىنداردى ەمحانالارعا ەسەپكە الۋ جۇمىسى «100 ناقتى قادام» ۇلت جوسپارىندا كورسەتىلگەن ءمامس (مىندەتتى الەۋمەتتىك مەديسينالىق ساقتاندىرۋ) اياسىندا جۇرگىزىلۋدە.