جوبا 2017 جىلى ساۋىردە وتكەن قحا-نىڭ ححV سەسسياسىندا بەكىتىلگەن ەلباسىنىڭ تاپسىرماسى نەگىزىندە قولعا الىنىپ وتىر. مەملەكەت باسشىسى «ءبىلىم جانە عىلىم مينيسترلىگىنە قازاقستان حالىقتار اسسامبلەياسىمەن بىرىگە وتىرىپ عىلىمي نەگىزدە ينتەراكتيۆتى كارتانى دايىنداۋدى جانە كەلەسى جىلى ناۋرىز ايىنىڭ بىرىندە، ياعني العىس ايتۋ كۇنىندە تۇساۋىن كەسۋدى» تاپسىرعان بولاتىن.

جوبانىڭ باستى يدەياسى – قوعامدىق سانانىڭ جاڭارۋىنا، ۇلتتىڭ رۋحاني جاڭعىرۋىنا باعىتتالعان ەلباسىنىڭ «بولاشاققا باعدار:رۋحاني جاڭعىرۋ» ماقالاسى نىڭ نەگىزگى قاعيدالارىن ەسكەرۋ ماقساتىندا. «قازاقستان حالقى» ينتەراكتيۆتى تاريحي كارتاسىن جاساۋ ارقىلى قازاق جەرىندەگى ۇلتتار مەن حالىقتاردىڭ جاڭا جيىنتىعىن تاريحي پروسەستە كورسەتۋ.

دوڭگەلەك ۇستەل بارىسىندا ءۇش ينستيتۋتتىڭ بىرىگىپ جاساعان جوباسى ۇسىنىلىپ، قىزۋ پىكىر-تالاسقا ءتۇستى. اقپارات جانە ەسەپتەۋ تەحنولوگياسى ينستيتۋتى باس ديرەكتورىنىڭ عىلىمي جۇمىستار جونىندەگى ورىنباسارى – ميراس ماعزومنىڭ ۇسىنعان پرەزەنتاسياسى كوپشىلىكتىڭ سىن-پىكىرىنە ىلىكتى. ميراس ماعزومنىڭ ۇسىنعان سلايدى «قازاقستان حالقى» ينتەراكتيۆتى تاريحي كارتاسىن دۇرىس اقپاراتتارمەن تولىقتىرماعاندىعى جانە ءبىرىڭعاي تاريحي دەرەكتەردى ناقتى فاكتىمەن دالەلدەۋ كەرەكتىگى ەسكەرىلدى. بۇل تۇستا عالىمدار مەن قاتىسۋشىلار ەكى تاراپقا ءبولىندى.

استانادان ارنايى كەلگەن قازاقستان حالقى اسسامبلەياسىنىڭ عىلىمي ساراپتاما كەڭەسىنىڭ مۇشەسى، گۋميليەۆ اتىنداعى ەۇۋ-نىڭ تاريح عىلىمدارىنىڭ دوكتورى ناتاليا كالاشنيكوۆا ءوز ۇسىنىسى مەن ەسكەرتۋىن جاسادى.

- ۇسىنىلعان سلايد تەك تاريحي داتالارمەن تولىقتىرىلعان. ءتۇرتىپ الار ماڭىزدى ويلار جوق. سلايدتى ەلباسىعا ۇسىنباستان بۇرىن ءبىراز جۇمىس جاسالىنۋ كەرەك. ءۇش مينۋتتىڭ ىشىندە ادامدى ەلەڭ ەتكىزەتىن دۇنيەلەردى كورسەتۋگە بولادى. ءتىپتى كارتانىڭ ءوزىن الاپ قاراڭىزشى. قازاقستاندا قانشا ۇلت وكىلدەرى ءومىر سۇرەدى. وسى كارتاعا تۇگەلدەي ۇلت وكىلدەرىن كورسەتۋىمىز كەرەك. «قازاقستان حالقى» ينتەراكتيۆتى كارتاسى دەگەندە ءار ۇلتتىڭ تاريحى سىر شەرتىپ تۇرۋى كەرەك دەيدى،- ناتاليا كالاشنيكوۆا.

وسى رەتتە ۇيىمداستىرۋشىلار قاتىسۋشىلاردىڭ  ايتىلعان ۇسىنىستارى مەن ەسكەرتۋلىرىن ءتۇرتىپ الىپ، الداعى ۋاقىتتا جوبانى تولىقتىراتىنىن ايتتى. سونداي-اق، جوبامەن ءبىر عانا ادام جۇمىس جاساماي ق ر پرەزيدەنتى ءارحيۆى، مەملەكەت تاريح ينستيتۋتى، قحا-نىڭ عىلىمي-ساراپتاما توبى جانە ت.ب. ورتالىقتارمەن جۇمىلىپ جۇمىس جاساۋعا ۋادە بەردى.

- جالپى جوبانىڭ ماقساتى – ينتەراكتيۆتى تۇردە قازاق حالقى كوپ ۇلتتى وكىلدەرمەن ءتاتۋ-تاتتى ءومىر ءسۇرىپ جاتقاندىعىن كورسەتۋ. ەجەلگى تاريحتان بۇگىنگى كۇنگە دەيىنگى كورىنىستى ۇسىنۋ. بۇل جوبانىڭ اياسىندا «قازاقستان حالقى» ينتەراكتيۆتى تاريحي كارتاسى كىتابىنىڭ تۇساۋى كەسىلدى.  سونىمەن قاتار، ەكسپەرت-عالىمدارمەن تىعىز جۇمىس جاسادىق. «كوش جۇرە تۇزەلەدى»،-دەگەندەي ەسكەرتۋلەردىڭ ءبارىن حاتتاماعا ەنگىزىپ الداعى ۋاقىتتا جۇمىستار جاسالىنادى. ەندى اپتا سايىن جينالىپ، ءبىر جۇيەگە كەلتىرەمىز. جالپى عىلىمي جوبامەن جۇمىس اعىمداعى جىلدىڭ 31ء-شى جەلتوقسانىندا اياقتالۋى كەرەك. ءبىراق، ءبىز كەلەسى جىلى ەكى اي بويى تولىق نۇسقاسىن بەكىتكەنگە دەيىن تىنباي ەڭبەك ەتەمىز. 2018 جىلى ناۋرىز ايىندا ەلباسىنىڭ الدىندا «قازاقستان حالقى» ينتەراكتيۆتى تاريحي كارتاسىن ساقاداي ساي ەتىپ ۇسىناتىن بولامىز،-دەدى ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ.

«قازاقستان حالقى» ينتەراكتيۆتى تاريحي كارتا قازاقستان ەتنوستارىن حالىق بولىپ بىرىگۋگە شاقىرادى. تاۋەلسىزدىك كەزەڭىندەگى بارلىق ەتنوس وكىلدەرىنىڭ تۇراقتىلىعىن ساقتاۋعا، تولەرانتتى قوعامنىڭ دامۋىنا نەگىز بولىپ وتىر.  

ايتا كەتەيىك، «قازاقستان حالقى» ينتەراكتيۆتى تاريحي كارتاسى 5 بلوكتان تۇراتىن بولادى.

1. ۇلى دالا تاريحى؛
2. قازاقستان حالقىنىڭ قالىپتاسۋ تاريحىنان؛
3. وتكەنگە تاعزىم- بولاشاققا تاعىلىم؛
4. ن.نازاربايەۆتىڭ «قازاقستان –بولاشاعى ءبىرتۇتاس ۇلت»؛
5. العىس ايتۋ كۇنى.

اتالعان شارانىڭ وتۋىنە سونداي-اق، مەملەكەت باسشىسىنىڭ 100 ناقتى قادام ۇلت جوسپارى دا سەبەپكەر بولىپ وتىر. اتالعان قۇجاتتىڭ 87-قادامىندا ەلباسى قازاق تاريحىن جاڭعىرتۋدى، ونى زەرتتەۋدى دامىتۋدى تاپسىرعان بولاتىن.