بۇگىن الماتى قالاسىنىڭ وڭىرلىك كوممۋنيكاسيالار قىزمەتى الاڭىندا بوستاندىق اۋدانىنىڭ اكىمى تورعايەۆ بەكقالي نۇرعالي ۇلىنىڭ قاتىسۋمەن بريفينگ ءوتتى.
بوستاندىق اۋدانىنىڭ اكىمى بەكقالي نۇرعالي ۇلىنىڭ ايتۋىنشا، ماڭىزدى ماقالادان تۋىندايتىن ناقتى مىندەتتەردى جۇزەگە اسىرۋ بويىنشا اۋداندا ءبىرقاتار باعدارلامالار قابىلدانىپ، ولار رەت-رەتىمەن ىسكە اسىرىلۋدا.
«رۋحاني جاڭعىرۋ» باعدارلاماسى اياسىندا 10-نان استام جوبالار ىسكە اسىرىلدى. ماسەلەن، بيىلعى جىلى اۋدانىمىزدا 14 جاڭا بالالار جانە سپورت الاڭدارى اشىلدى. ءبىرقاتار كوشەلەر اباتتاندىرىلدى. ءتول مادەنيەتىمىزدى دارىپتەۋ ماقساتىندا جاستار اراسىندا «جاس وركەن» فەستيۆالى ۇيىمداستىرىلدى. ءبىرقاتار كوشەلەردىڭ اتاۋى وزگەرتىلدى. وزدەرىڭىز جاقسى بىلەتىندەي ءبىزدىڭ اۋداننىڭ ماگيسترالدى، باستى كوشەلەرىنىڭ ءبىرى – بۇرىنعى فۋرمانوۆ كوشەسىنە ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەسىمى بەرىلدى. بۇل ءبىزدىڭ قالامىز ءۇشىن، ونىڭ ىشىندە اۋدان تۇرعىندارى ءۇشىن زور ماقتانىش، ۇلكەن ابىروي،- دەپ باياندادى بوستاندىق اۋدانىنىڭ باسشىسى بەكقالي نۇرعالي ۇلى.
