بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا بوستاندىق اۋدانىنىڭ اكىمى بەكقالي تورعايەۆ ايتتى.

بەكقالي تورعايەۆتىڭ اقپاراتىنشا، بوستاندىق اۋدانىندا ورىن تەپكەن بارلىق دەنساۋلىق ساقتاۋ مەكەمەلەرى جىلۋعا قوسىلعان. كوممۋنالدىق شارۋاشىلىق ماماندارى تاراپىنان پيكتەردىڭ ءوز قاراجاتىنا جوسپارلانعان تۇرعىن ۇيلەردى جوندەۋ جۇمىستارىنا تالداۋ جاسالدى.

1420 تۇرعىن ۇيدە جوندەۋ جۇمىستارىن جوندەۋگە قاتىستى ءتيىستى كەستە بەكىتىلدى. اتالعان كەستەگە 231 ەسكى تۇرعىن ۇيلەر (ۆەتحيە)، سونىمەن قاتار «اۋماقتاردى دامىتۋ – 2020» باعدارلاماسىنا ەنگىزىلگەن 90 تۇرعىن ءۇي كىرگەن جوق. بوستاندىق اۋدانى اكىمى اپپاراتى تاراپىنان مامىر-قىركۇيەك ايلارى ارالىعىندا پيكتەردىڭ 1420 تۇرعىن ۇيلەرگە 87444926 تەڭگە قاراجاتقا جۇرگىزگەن جوندەۋ جۇمىستارىنا مونيتورينگ ۇيىمداستىرىلدى. «ايماقتاردى دامىتۋ – 2020» باعدارلاماسى اياسىندا بوستاندىق اۋدانىندا جالپى سانى 90 كوپقاباتتى تۇرعىن ۇيگە جوندەۋ جۇمىستارى جۇرگىزىلۋدە. بولىنگەن قاراجات مولشەرى – 1 073 488 682 تەنگە،- دەپ ءسوزىن تۇيىندەدى اۋدان باسشىسى بەكقالي تورعايەۆ.