ق ر قورعانىس مينيسترلىگىنىڭ اقپاراتتىق ساياساتىن ءتيىمدى جۇزەگە اسىرعانى جانە قازاقستاندىق ارميانىڭ بەدەلىن نىعايتۋدا قوسقان ۇلەسى ءۇشىن الماتى وبلىسىنىڭ ءبىرقاتار تىلشىلەرى ق ر قورعانىس ءمينيسترىنىڭ گراموتاسى جانە العىس حاتتارىمەن ماراپاتتالدى، دەپ حابارلايدى Qamshy.kz اقپارات اگەنتتىگى.   

قازاقستان رەسپۋبليكاسىنىڭ تاۋەلسىزدىگىن مەرەكەلەۋ كۇنىنە وراي الماتى وبلىسى قورعانىس ىستەرى جونىندەگى دەپارتامەنتىندە سالتاناتتى شارا ءوتتى. مەكەمە باستىعى پولكوۆنيك بەردىبەك بەرىستەموۆ قارۋلى كۇشتەرمەن تىعىز بايلانىستا جۇمىس ىستەپ كەلە جاتقان قىلقالام شەبەرلەرىنە شەكسىز العىسىن ءبىلدىرىپ، كەلەر جىلدا زور شىعارماشىلىق تابىستار تىلەدى.

ق ر قورعانىس مينيسترلىگىنىڭ گراموتالارىمەن «جەتىسۋ» گازەتىنىڭ باس رەداكتورى امىرە ءارىن، «جەتىسۋ» كانالىنىڭ شەف-رەداكتورى نازگۇل بوشان، تىلشىلەر يرينا كارياكينا («وگني الاتاۋ» گازەتى)، ماۋلەن انەرباي («جەتىسۋ» گازەتى)، گۇلميرا تەمىرعالييەۆا («ديالوگ-جەتىسۋ» گازەتى)، ءماريام جاسۇلان («اراي+»، «31 ارنا») ماراپاتتالدى.

قورعانىس ۆەدومستۆوسى ۇيىمداستىرعان ءداستۇرلى «جاس ۇلان» اسكەري-پاتريوتتىق اندەر فەستيۆالىنە قاتىسىپ، ۇزدىك ونەر كورسەتكەن ق.بايسەيىتوۆ اتىنداعى ساز كوللەدجىنىڭ ستۋدەنتى قۇرالاي مۇقيات پەن وقۋ مەكەمەسىنىڭ ديرەكتورى جانات شەگەبايەۆ تا دەپارتامەنت باستىعىنىڭ گراموتاسىن يەلەندى.

سونىمەن قاتار، تالدىقورعان گارنيزونىنىڭ اسكەري سوتىنىڭ ءتوراعاسى رينات اقپار ءبىرقاتار قارۋلى كۇشتەر مەن اۋعان سوعىسى ارداگەرلەرىن گراموتامەن ماراپاتتادى.

 قازاقستاندىق ارميانىڭ تىنىس-تىرشىلىگىن جوعارى كاسىبي دەڭگەيدە جاريالاپ كەلە جاتقان ۇزدىك جۋرناليستەردى ماراپاتتادىق. ولاردىڭ ىشىندە ءبىرىنشى رەسپۋبليكالىق «اسكەري مەديا» فەستيۆالىنىڭ نومينانتتارى دا بار. بۇدان كەيىن دە ب ا ق وكىلدەرىمەن كاسىبي جانە تىعىز قارىم-قاتىناستا بايلانىستا بولامىز دەگەن سەنىمدەمىن، - دەپ اتاپ ءوتتى دەپارتامەنت باستىعىنىڭ تاربيە جانە يدەولوگيالىق جۇمىستار جوننىدەگى ورىنباسارى ادىلەت پودپولكوۆنيگى قۋاندىق ادىلبەكوۆ.

سالتاناتتى شارا مەرەكەلىك كونسەرتپەن اياقتالدى.