استانادا بيىل جازدا بالانى قاعىپ ولتىرگەن قوقىس جينايتىن كولىكتىڭ جۇرگىزۋشىسىنە قاتىستى سوت ۇكىمى شىقتى، - دەپ حابارلايدى Tengrinews.kz استانا قالالىق سوتىنىڭ باسپا ءسوز قىزمەتىنە سىلتەمە جاساپ.
ءىس ماتەريالدارىنا قاراعاندا، 2017 جىلدىڭ شىلدەسىندە قوقىس جينايتىن كولىكتىڭ جۇرگىزۋشىسى "كامازبەن" تۇرعىن ءۇيدىڭ اۋلاسىندا ءوتىپ بارا جاتىپ، ۆەلوسيپەدپەن كەلە جاتقان كامەلەتكە تولماعان بالانى قاعىپ كەتكەن.
بالا العان جاراقاتتارىنان جەدەل جاردەم كولىگىندە كوز جۇمعان. "استانىڭ الماتى اۋداندىق №2 سوتىنىڭ شەشىمەن كولىك جۇرگىزۋشىسى ق ر قىلمىستىق كودەكسىنىڭ 345-بابىنىڭ 3-بولىگى بويىنشا ايىپتى دەپ تانىلىپ، 2 جىل 1 ايعا باس بوستاندىعىنان ايىرىلدى. سوت ۇكىمى ءالى زاڭدى كۇشىنە ەنگەن جوق"، - دەدى استانا قالالىق سوتىنىڭ باسپا ءسوز قىزمەتىندەگىلەر.
