بۇگىن قازاقستان رەسپۋبليكاسى پرەمەر – ءمينيسترىنىڭ ورىنباسارى – اۋىل شارۋاشىلىعى ءمينيسترى ا. مىرزاحمەتوۆ اقش-تىڭ اۋىل شارۋاشىلىعى ءمينيسترى – شەتەلدىك اۋىل شارۋاشىلىعى قىزمەتى بويىنشا كەڭەسشىسى ديانا ايالامەن كەزدەستى دەپ حابارلايدى Qamshy.kz اقپارات اگەنتتىگى mcx.gov.kz مالىمەتىنە سۇيەنىپ. 

كەزدەسۋدە اۋىل شارۋاشىلىعى سالاسىنداعى ەكىجاقتى ىنتىماقتاستىقتى دامىتۋ ماسەلەلەرى تالقىلاندى.

«ءبىز ءۇشىن باستى باعىت – تاماق ونىمدەرىن دايىن جانە جارتىلاي دايىن ەتىپ شىعاراتىن سالالاردىڭ دامۋى.

قازاقستان جاعى وسىرۋدەن باستاپ تەرەڭ وڭدەۋ جانە ءونىمدى ساۋدالاۋعا دەيىنگى تولىق سيكلدى دۇرىستاۋ ءۇشىن امەريكالىقتارمەن بىرلەسكەن كاسىپورىندار قۇرۋعا مۇددەلى. ءبىز تاراپىمىزدان ولاردىڭ جۇمىس ىستەۋىنە قاجەتتى بارلىق جاعدايدى جاساۋعا ءازىرمىز.

ءبىزدى سونىمەن قاتار، اگرارلىق عىلىم مەن قاجەت تەحنولوگيالار سالاسى دا قىزىقتىرادى»،- اتاپ ءوتتى ا.مىرزاحمەتوۆ.