ق ر سىرتقى ىستەر ءمينيسترى ءانۋار جايناقوۆ قىتايدا ءولىم جازاسىنا كەسىلگەن قازاقستاندىقتىڭ  ەلگە قايتارىلعاندىعى تۋرالى مالىمدەدى، دەپ جازادى Qamshy.kz اقپارات اگەنتتىگى. 

«بۇگىن ەسىرتكى تاسىمالى ءۇشىن ءولىم جازاسىنا كەسىلگەن قازاقستاندىق ءۇرىمشى قالاسىنان قازاقستانعا جەتكىزىلدى. بۇل ارەكەتتى قازاقستاننىڭ قىتايداعى ەلشىلىگى ۇيىمداستىرعان»، دەپ جازدى ول ءوزىنىڭ Facebook پاراقشاسىندا.

سىرتقى ىستەر مينيسترلىگى وكىلىنىڭ ايتۋىنشا، اقمولا وبلىسىنىڭ 1989 جىلعى تۋماسى 2009 جىلى گۋانچجوۋدىڭ گۋاندۋن پروۆينسياسىندا ۇستالىپ، باسىندا 2 جىلعا باس بوستاندىعىنان ايىرىلعان. ال 2011 جىلى بۇل جازا ءومىر بويىنا باس بوستاندىعىنان ايىرىلۋ تۋرالى جازامەن الماستىرىلعان.

ءا. جايناقوۆقا سۇيەنسەك، 2015 جىلدان باستاپ قازاقستاندىق ديپلوماتتاردىڭ جۇڭگو تاراپىمەن مامىلەگە كەلۋى بارىسىندا ەلگە، وندا سوتتالعان 15 ازامات قايتارىلعان.

ديپلوماتتار تەك قىتايدا ەمەس، باسقا  مەملەكەتتەردە باس بوستاندىعىنان ايىرىلعان قازاقستاندىقتاردى ەلگە قايتارۋعا كۇش جۇمسايتىن بولادى.