تاۋەلسىزدىك كۇنى قارساڭىندا «نۇر وتان» پارتياسىنىڭ ورتالىق اپپاراتىندا پارتيا قىزمەتكەرلەرىن مەملەكەتتىك جانە پارتيالىق ناگرادالارمەن ماراپاتتاۋ سالتاناتى ءوتتى. ءىس-شاراعا پارتيا ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد قاتىسىپ، نۇروتاندىقتارعا لايىقتى ناگرادالارىن سالتاناتتى جاعدايدا تابىس ەتتى، دەپ جازادى Qamshy.kz اقپارات اگەنتتىگى.
«بارشاڭىزدى ەلىمىزدىڭ ەڭ ۇلىق مەرەكەسى تاۋەلسىزدىك كۇنىمەن شىن جۇرەكتەن قۇتتىقتايمىن. ەلباسىمىزدىڭ دانا باسشىلىعىمەن تاۋەلسىزدىگىمىزدىڭ شيرەك عاسىردان استام ۋاقىتىندا ەلىمىز تولايىم تابىستارعا قول جەتكىزدى. بۇگىندە قازاقستان الەمدىك قاۋىمداستىقتا اسا زور ابىروي-بەدەلگە يە، الپاۋىت ەلدەردىڭ ءوزى ساناساتىن مەملەكەتكە اينالدى. ءبىزدىڭ ەندىگى مىندەتىمىز – ەلباسىمىز ايقىنداپ بەرگەن باسىم باعىتتان جاڭىلماي، جاڭا بيىكتەر مەن بەلەستەرگە نىق قادام باسۋ»، – دەدى مۇحتار قۇل-مۇحاممەد.
سونىمەن قاتار، «نۇر وتان» پارتياسى ءتوراعاسىنىڭ ءبىرىنشى ورىنباسارى تاۋەلسىزدىك كۇنى قارساڭىندا بۇكىل ەلىمىز بويىنشا جۇمىس قورىتىندىسى شىعارىلىپ، ۇزدىك قىزمەتكەرلەردى ماراپاتتاۋ ءداستۇرى قالىپتاسقانىنا نازار اۋداردى. وسىعان وراي پارتيانىڭ دامۋىنا جانە تاۋەلسىز قازاقستاننىڭ نىعايۋىنا قوسقان ۇلەسى ءۇشىن ءبىرقاتار پارتيا قىزمەتكەرلەرى مەملەكەتتىك جانە پارتيالى اتاقتارعا يە بولدى.
اتاپ ايتقاندا، مەملەكەتتىك جانە قوعامدىق قىزمەتتە سىڭىرگەن ەڭبەگى، ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن قازاقستان رەسپۋبليكاسى پرەزيدەنتىنىڭ جارلىعىمەن «ياسسى» كونسورسيۋمىنىڭ ءتوراعاسى ۇمبەت جۇسىپبايەۆ، اقتوبە وبلىسى ىسكەر ايەلدەرى قاۋىمداستىعىنىڭ ءتورايىمى كۇلشات ءماسالىموۆا، اتىراۋ وبلىستىق پارتيا فيليالى ءتوراعاسىنىڭ ءبىرىنشى ورىنباسارى نۇرلىبەك وجايەۆ، پارتيا ءتوراعاسى ءبىرىنشى ورىنباسارىنىڭ كەڭەسشىسى اسقار سماعۇلوۆ، پارتيا ورتالىق اپپاراتى باسشىسىنىڭ ورىنباسارى بالجان شامەنوۆا، «الماتى-2 تەمىر جولى» باستاۋىش پارتيا ۇيىمىنىڭ ءتوراعاسى اسقار شۇكىربەكوۆ «قۇرمەت» وردەنىمەن ماراپاتتالدى.
«ەرەن ەڭبەگى ءۇشىن» مەدالىمەن پارتيا ورتالىق اپپاراتى باسپا ءسوز قىزمەتىنىڭ باسشىسى ءاليا بورييەۆا، سولتۇستىك قازاقستان وبلىستىق بالالار اۋرۋحاناسىنىڭ باس دارىگەرى ولەگ زاۆيالوۆ، وڭتۇستىك قازاقستان وبلىسى سايرام اۋداندىق پارتيا فيليالى ءتوراعاسىنىڭ ءبىرىنشى ورىنباسارى ءماريا قالىبايەۆا، پاۆلودار تەحنولوگيالىق كوللەدجىنىڭ ديرەكتورى قابىلقاق قاپەنوۆ، الماتى قالالىق پارتيا فيليالى قوعامدىق قابىلداۋ بولمەسىنىڭ كونسۋلتانتى راحيا قۇلاشبەكوۆا جانە پارتيا جانىنداعى ساياسي تالداۋ جانە ستراتەگيالىق زەرتتەۋلەر ورتالىعىنىڭ ديرەكتورى يۋليا كۋچينسكايا، پارتيا ورتالىق اپپاراتى ستراتەگيا جانە مونيتورينگ دەپارتامەنتىنىڭ ديرەكتورى سەرىك ساتييەۆ، استانا قالاسىنداعى «وركەنيەت» اۋماقتىق فيليالى ءتوراعاسىنىڭ ءبىرىنشى ورىنباسارى ءماريا وتەبايەۆا، ماڭعىستاۋ وبلىسىنداعى «جاۋقازىن» بالاباقشاسىنىڭ ديرەكتورى مانەت شىراقباي ماراپاتتالدى.
«شاپاعات» مەدالى اقمولا وبلىسى مۇگەدەكتەرى ەرىكتى قوعامىنىڭ ءتوراعاسى سەرىك اكىمبايەۆقا تابىس ەتىلدى.
قازاقستان رەسپۋبليكاسىنىڭ قۇرمەت گراموتاسىمەن قاراعاندى وبلىستىق پارتيا فيليالى قوعامدىق قابىلداۋ بولمەسىنىڭ ساراپشىسى جامال باجايەۆا، قوستاناي وبلىسىنداعى ءجىتىقارا اۋداندىق پارتيا فيليالىنىڭ ەسەپكە الۋ جانە ستاتيستيكا سەكتورىنىڭ مەڭگەرۋشىسى ينەسسا بوگاتىريەۆا، الماتى وبلىستىق پارتيا فيليالىنىڭ زاڭگەر-كونسۋلتى تولەگەن جانىسبەك، باتىس قازاقستان وبلىسى اقجايىق اۋداندىق پارتيا فيليالى ءتوراعاسىنىڭ ءبىرىنشى ورىنباسارى ايجان نىسانبايەۆا، شىعىس قازاقستان وبلىسى بەسقاراعاي اۋداندىق پارتيا فيليالى ءتوراعاسىنىڭ ءبىرىنشى ورىنباسارى بولات وماروۆ، پارتيا ورتالىق اپپاراتىنىڭ بۋحگالتەرى ءجاميليا سارسەمبايەۆا، پارتيا ورتالىق اپپاراتى ۇيىمداستىرۋ-باقىلاۋ جۇمىسى دەپارتامەنتىنىڭ ينسپەكتورى مارات سماعۇلوۆ، «اسار» جامبىل وبلىسى مۇگەدەكتەر ۇيىمدارىنىڭ وداعى» زاڭدى تۇلعالار بىرلەستىگىنىڭ پرەزيدەنتى رۋسلان تولەگەنوۆ جانە پارتيا ورتالىق اپپاراتى كادرلىق ساياسات دەپارتامەنتىنىڭ كونسۋلتانتى لاۋرا ومىرسەيىتوۆا ماراپاتتالدى.
سونداي-اق، ءبىرقاتار نۇروتاندىقتار قازاقستان رەسپۋبليكاسىنىڭ پرەزيدەنتى، پارتيا ءتوراعاسى نۇرسۇلتان ءابىش ۇلى نازاربايەۆتىڭ ستراتەگيالىق باعىتىن، «نۇر وتان» پارتياسىنىڭ باعدارلامالىق باعىتتارى مەن مىندەتتەرىن ىسكە اسىرۋعا بەلسەندى اتسالىسقانى جانە قازاقستان رەسپۋبليكاسىنىڭ تاۋەلسىزدىك كۇنىنە وراي پارتيالىق ناگرادالارمەن ماراپاتتالدى. اتاپ ايتقاندا، «بەلسەندى قىزمەتى ءۇشىن» توسبەلگىسىن پارتيا حاتشىسى قانىبەك جۇماشيەۆ، دۇنيەجۇزىلىك قازاقتار قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ، «ليتەر» گازەتىنىڭ استانا قالاسىنداعى مەنشىكتى ءتىلشىسى تاتيانا كريۆوروتكو، الماتى وبلىستىق پارتيا فيليالى ءتوراعاسىنىڭ ءبىرىنشى ورىنباسارى عالياسقار سارىبايەۆ، ەرتىس وندىرىستىك كەشەنى ەرتىس شاحتاسىنىڭ باستىعى قۋانىش راقىموۆ يەلەندى. ودان بولەك، پارتيانىڭ «قۇرمەت گراموتاسىمەن» 18 ادام ماراپاتتالدى.
