وڭتۇستىك استانانىڭ «الماتى ارەنا»» سپورت كەشەنىندە وتكەن حالىقارالىق «ەۋرازيا بارىسى - 2017» ءتۋرنيرىنىڭ جەڭىمپازى انىقتالدى. الماتى اكىمى باۋىرجان بايبەك ءبىرىنشى ورىندى جەڭىپ العان قازاقستان كومانداسىنا 10 ملن. تەڭگە تاپسىردى، دەپ Qamshy.kz اقپارات اگەنتتىگى.
حالىقارالىق ءتۋرنيردى اشقان الماتى اكىمى قالالىقتاردى ەلىمىزدىڭ ۇلى مەرەكەسى – قازاقستاننىڭ تاۋەلسىزدىگى كۇنىمەن قۇتتىقتادى.
«تاۋەلسىزدىك العان كۇننەن باستاپ ەلدىڭ رۋحىن اسقاقتاتۋعا، انا ءتىلىمىز بەن ءدىلىمىزدى نىعايتۋعا، ەلدىك سانانى شىڭداۋعا باعىتتالعان ىستەرگە اسا ۇلكەن ءمان بەرگەن مەملەكەت باسشىسى نۇرسۇلتان نازاربايەۆتىڭ جاسامپاز ساياساتى بۇگىندە ۇلت ساناسىن جاڭعىرتۋدى دىتتەگەن «رۋحاني جاڭعىرۋعا» ۇلاستى. ەلباسى ايتقانداي، ۇلتتىق كود، ۇلتتىق مادەنيەت ساقتالماسا، ەشقانداي جاڭعىرۋ بولمايدى. ولاي بولسا، ءبىز ۇلتتىق سپورت تۇرلەرىن، قازاقتىڭ پالۋاندىق ونەرىن دامىتۋدى جان-جاقتى جالعاستىرا بەرمەكپىز. كوكپار، الامان بايگە، اۋدارىسپاق، جامبى اتۋ، قازاق كۇرەسى سەكىلدى ۇلتتىق سپورت تۇرلەرىن جۇيەلى تۇردە قولداۋ – بۇل ءبىر جاعىنان، جاۋجۇرەك باتىرلار تاربيەلەۋگە، سپورتشى جاستاردىڭ تانىمال بولۋىنا، ومىردەن ءوز ورنىن الۋىنا جاسالعان ۇلكەن مۇمكىندىك بولسا، ەكىنشى جاعىنان، الەمدىك وركەنيەتكە ەلىمىزدى ءوز مادەنيەتىمەن، ءوز ونەرىمەن، ءوز سپورتىمەن تانىتۋدىڭ قۇرالى»، - دەدى مەگاپوليس باسشىسى.
الماتى - بۇگىنگى كۇنى الەم مويىنداعان سپورتتىق ورتالىق، نەبىر الامان-دودا وتكىزۋ داستۇرىنە يە قالا، ايگىلى ساڭلاقتاردىڭ وتانى. جالپى، تاۋەلسىزدىكتىڭ التىن بەسىگى – اسەم الماتىنىڭ وسى ىستەردەگى ورنى ەرەكشە. ءىرى حالىقارالىق سپورتتىق شارالار، الەم بىرىنشىلىكتەرى، باسقا دا بىرەگەي جوبالار الماتىلىقتاردىڭ كۇندەلىكتى تىرشىلىگىندە مىقتاپ ورىن الدى. تەك ءبىر عانا «سپورت مەنىڭ اۋلامدا» جوباسىنىڭ ءوزى بيىل 6000-نان استام جاس سپورتشىنى قامتىدى.
قالا اكىمى الماتىدا ەكى جىل قاتارىنان ات سپورتىنان الامان جارىستاردىڭ وتكەنىن ايتتى. ەگەر وتكەن جىلى وعان 200 جۋىق بايگەشىلەر قاتىسسا، بيىل 600 سپورتشى ب ا ق سىناستى. ال، حالىقارالىق «ەۋرازيا بارىسى» ءتۋرنيرى مەگاپوليستە وسىمەن 2ء-شى رەت ءوتتى. حالىقارالىق سايىسقا الەمنىڭ 8 ەلىنىڭ، ياعني برازيليا، كامەرۋن، گرۋزيا، موڭعوليا، جاپونيا، وزبەكستان، تۇركيا جانە قازاقستاننىڭ 70-كە جۋىق پالۋانى قاتىسۋدا.
تۋرنير وليمپيادالىق شىعىپ قالۋ جۇيەسى بويىنشا «قابىرعادان قابىرعاعا» فورماتىمەن ءوتتى. ۇلتتىق كوماندالار قۇرامىندا تانىمال پاۋلاندار بولدى. فينالدا الماتى قالاسىنىڭ پالۋاندارى مەن قازاقستان كومانداسى كەزدەسىپ، تابان تىرەسكەن كۇرەس بارىسىندا ۇپاي سانى بويىنشا قازاقستان كومانداسى ءبىرىنشى ورىندى جەڭىپ الدى.
الەم كۋبوگىنىڭ جالپى جۇلدەلىك قورى - 20 ملن. تەڭگە. ءبىرىنشى ورىن جۇلدەسى - 10 ملن. تەڭگە، ەكىنشى ورىنعا كوتەرىلگەن الماتى قالاسىنىڭ كومانداسى 6 ملن. تەڭگەنى، ءۇشىنشى ورىندى ەنشىلەگەن وزبەكستان كومانداسى 4 ملن.تەڭگەنى ۇتىپ الدى.
ۇيىمداستىرۋشىلاردىڭ ايتۋى بويىنشا جارىستى 120 ملن. كورەرمەن «قازاقستان»، «KAZSport»، تۇركيانىڭ «TRTAvaz»، رەسەيدىڭ «ماچ پلانەتا» تەلەارنالارى ارقىلى تىكەلەي ترانسلياسيادان كورگەن. حالىقارالىق تۋرنيرگە جينالعان كورەرمەندەر الدىندا ءمادينا ءسادۋاقاسوۆا، «سالتانات» بي ءانسامبلى، «قوبىز سارىنى»، «حازار» ەتنو- فولكلورلىق انسامبلدەرى، «جiگىتتەر» كۆارتەتى ونەر كورسەتتى.
