ق ر دەنساۋلىق ساقتاۋ ءمينيسترى ەلجان ءبىرتانوۆ ارىپتەستەرىن تاۋەلسىزدىك كۇنىمەن قۇتتىقتاي وتىرىپ، قازاقستان مەديسيناسىنداعى تانىمدىق ستاتيستيكامەن ءبولىستى، دەپ Qamshy.kz اقپارات اگەنتتىگى «قازاقپاراتقا»  سۇيەنە وتىرىپ جازادى. 

«كۇن سايىن 400 مىڭعا جۋىق قازاقستاندىقتار دارىگەرلەردىڭ قاراۋىنا جۇگىنەدى جانە 8 مىڭعا جۋىق ەمدەلۋشىلەر اۋرۋحاناعا جاتقىزىلادى، كۇن سايىن 1 مىڭعا جۋىق ايەلدەر بالا ءسۇيىپ، انا اتانۋدا. حيرۋرگ دارىگەرلەر تاۋلىگىنە 2 مىڭعا جۋىق ەمدەلۋشىلەرگە وتا جاسايدى، كۇنىنە جەدەل كومەك كورسەتۋ قىزمەتى اۋرۋلارعا مەديسينالىق كومەك كورسەتۋ ءۇشىن 20 مىڭ رەت جولعا شىعادى.

مەديسينا سالاسىنداعى زور جەتىستىكتەرگە اق xالاتتى ابزال جانداردىڭ ەڭبەگىنىڭ ارقاسىندا قول جەتكىزىپ وتىرمىز»، - دەپ جازدى مينيستر ۆەدومستۆونىڭ فەيسبۋكتەگى رەسمي اككاۋنتىندا. ونىڭ ايتۋىنشا، «26 جىلدىڭ ىشىندە قازاقستان ءتۇرلى سالاعا ومىرلىك ماڭىزى بار وزگەرىستەردى ەنگىزە وتىرىپ، دامىتۋدا زور جەتىستىكتەرگە قول جەتكىزدى».

«تاۋەلسىزدىك جىلدارى قازاقستاندىقتاردىڭ كۇتىلگەن ءومىر ءسۇرۋ ۇزاقتىعى 4،5 جىلعا ۇزارتىلدى جانە جاس ۇزاقتىعى -72،5 جاستى قۇرادى، انا ءولىمى 5،3 ەسەگە ازايدى، ءسابي ءولىمى 3 ەسەگە، جۇقپالى تۋبەركۋلەز اۋرۋىنان قايتىس بولعاندار سانى 3 ەسەگە، قاناينالىم جۇيەسىندەگى اقاۋلاردان پايدا بولعان اۋرۋلاردان 2 ەسەگە، قاتەرلى جاڭا ىسىك اۋرۋلارىنان قايتىس بولعاندار سانى 1،5 ەسەگە ازايدى. سونداي-اق، 1326 دەنساۋلىق ساقتاۋ نىساندارى قۇرىلدى»، - دەپ ءبولىستى مينيستر.