الماتىدا تاۋەلسىزدىك تاڭى مونۋمەنتىندە گۇل شوقتارىن قويۋ ءراسىمى ءوتىپ، دۇنيەدەن وتكەن جەلتوقسانشىلاردىڭ رۋحىنا قۇران باعىشتالدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. 

بۇگىن الماتىدا جەلتوقسان كوشەسىندە ورناتىلعان «تاۋەلسىزدىك تاڭى» مونۋمەنتىنە گۇل شوقتارىن قويۋ ءراسىمى ءوتتى. العاش بولىپ، گۇل شوقتارىن الماتى قالاسى اكىمدىگىنىڭ اتىنان باۋىرجان بايبەك باستاعان مەملەكەتتىك قىزمەتشىلەر قويدى. ودان كەيىن 1986 جىلى جەلتوقسان قوزعالىسىنا قاتىسقاندار جانە قازاقستان جاستار ۇيىمدارىنىڭ اتىنان ءبىر توپ جاستار گۇل شوقتارىن قويدى. وسىدان كەيىن، قازاقستان مۇسىلماندار ءدىني باسقارماسىنىڭ يمامى 1986 جىلى جەلتوقسان قوزعالىسى كەزىندە دۇنيەدەن وزعان بوزداقتاردىڭ رۋحىنا ارناپ قۇران باعىشتادى. شارادان كەيىن الماتى قالاسىنداعى «جۇلدىز» مەيرامحاناسىندا اس بەرىلدى.

«جەلتوقسان ءبىر جاعىنان قاسىرەتپەن ەسكە الساق، ءبىر جاعىنان قۋانىشپەن قارسى الامىز. ەلىمىز ەگەمەندىگىن العانىنا قۋانامىز. 31 جىل بۇرىن مەن وسى جەردە بولعانمىن. جىگىتتەرمەن مەن قىزدارىمىز ومىردەن ءوتىپ كەتتى. مەن داۋلەتباي باتىردىڭ ۇرپاعىمىن، اكەمنىڭ اكەسى رەپرەسسياعا ۇشىراعان. بۇل ءبىزدىڭ اتا-بابالارىمىز اڭساعان كۇن. ەلىمىزدى سوعىستان ساقتاسىن. قازاق ەلى ءقازىر تىنىش، سول ءۇشىن قازاق باقىتتى. قازاق جاستارى، سپورتتان، مادەنيەتتەن، قاي سالادان بولسىن كوك بايراعىمىزدى جەلبىرەتىپ جاتىر»، — دەدى جەلتوقسانشى سەرىك مۇحامەدالين.