«قىز جىبەك» فيلمىندە تولەگەننىڭ ءرولىن سومداعان قۇمان نۇرماعان ۇلى تاستانبەكوۆ قايتىس بولدى، دەپ حابارلايدى Qamshy.kz اقپارات اگەنتتىگى.
بۇل تۋرالى تەلەجۇرگىزۋشى قىمبات دوسجان ءوزىنىڭ ينستاگرام پاراقشاسىنا جازدى.
قۇمان تاستانبەكوۆتىڭ ەڭ العاش سومداعان ءرولى — قىز جىبەك فيلمىندەگى تولەگەن بولاتىن. وسى فيلمنەن كەيىن ول بۇكىل قازاققا تولەگەن رەتىندە تانىمال بولدى. بۇدان كەيىن دە ول كوپتەگەن فيلمدەرگە ءتۇستى جانە تەاتر ساحناسىندا دا ءتۇرلى وبرازداردى سومدادى. ول «قازاقستان لەنين كومسومولى» سىيلىعىنىڭ يەگەرى اتانىپ، «قۇرمەت» وردەنىمەن ماراپاتتالعان.
