الماتىلىقتار ورتالىق ستاديوندا اتى اڭىزعا اينالعان قازاق فۋتبولشىسى تيمۋر سەگىزبايەۆپەن قوشتاستى، دەپ حابارلايدى Qamshy.kz اقپارات اگەنتتىگى «قايرات» فك باسپا ءسوز قىزمەتىنە سىلتەمە جاساي وتىرىپ.
قارالى جيىندا الماتى قالاسى دەنە شىنىقتىرۋ جانە سپورت باسقارماسىنىڭ باسشىسى ءابىل دوڭبايەۆ مارقۇمنىڭ وتباسى مەن اعايىن-تۋىستارىنا كوڭىل ايتتى. سونىمەن قاتار، قازاقستان فۋتبول فەدەراسياسىنىڭ پرەزيدەنتى سەيىلدا بايشاقوۆ پەن كاسىبي فۋتبول ليگاسىنىڭ پرەزيدەنتى ازامات ايتحوجين قارالى جيىن الدىندا مارقۇمنىڭ وتكەن ءومىرى تۋرالى بايانداپ، جىلى لەبىزدەرىن ءبىلدىردى.
«تيمۋر سەزىگبايەۆتى جيىلعان جۇرت ىستىق ىقىلاس، قيماس سەزىممەن شىعارىپ سالدى. مارقۇمنىڭ قازاقستان فۋتبولىنا قوسقان ولشەۋسىز ەڭبەگى ەسكە الىنىپ، العىس ءبىلدىردى. ادامنىڭ بۇل ومىردەگى باعاسىن دوستارىنىڭ قۇرمەتىنە قاراپ بىلۋگە بولادى. مارقۇمدى شىعارىپ سالۋعا جينالعان ونىڭ دوستارىنىڭ قاراسى كوپ بولدى»، - دەيدى «قايرات» فك-باسپاسوز قىزمەتىندەگىلەر.
