ەرتەڭ، ياعني 20 جەلتوقساندا ساعات 10:00-دە الماتى قالاسىندا مۇحتار اۋەزوۆ اتىنداعى دراما تەاترىندا قالالىق اكىمدىكتىڭ ۇيىمداستىرۋىمەن ەلىمىزگە بەلگىلى اكتەر قۇمان تاستانبەكوۆپەن قوشتاسۋ ءراسىمى وتەدى، دەپ حابارلايدى Qamshy.kz اقپارات اگەنتتىگى.
بىرنەشە كۇن بۇرىن «قىز جىبەك» فيلمىندە تولەگەننىڭ ءرولىن سومداعان اكتەر قۇمان نۇرماعان ۇلى تاستانبەكوۆ كوز جۇمعان بولاتىن.
ايتا كەتەر بولساق، قۇمان تاستانبەكوۆتىڭ ەڭ العاش سومداعان ءرولى — قىز جىبەك فيلمىندەگى تولەگەن وبرازى. وسى فيلمنەن كەيىن ول بۇكىل قازاققا تولەگەن رەتىندە تانىمال بولدى. بۇدان كەيىن دە ول كوپتەگەن فيلمدەرگە ءتۇستى جانە تەاتر ساحناسىندا دا ءتۇرلى وبرازداردى سومدادى. ول «قازاقستان لەنين كومسومولى» سىيلىعىنىڭ يەگەرى اتانىپ، «قۇرمەت» وردەنىمەن ماراپاتتالعان.
