الماتى وبلىسىندا سوققىنىڭ استىندا قالعان زەينەتكەردىڭ ىسىنە قاتىستى تەرگەۋ جۇمىستارى ءجۇرىپ جاتىر. 67 جاستاعى كەگەن اۋىلىنىڭ تۇرعىنى دارىگەرلەر كومەگىنە جۇگىندى. مەدبيكەلەر سوققىنىڭ سالدارىنان زەينەتكەردىڭ ميى شايقالعانىن ايتتى، دەپ جازادى Qamshy.kz اقپارات اگەنتتىگى.

الماتى وبلىسى ءىىد باسپا ءسوز قىزمەتىنىڭ حابارلاۋىنشا، ايەل سوققىنىڭ قايدان پايدا بولعانىن جاسىرۋعا تىرىسقان.

«انىقتالعانداي، ەگدە ايەلدى جاراقاتتاعان ونىڭ 1975 جىلعى تۋعان ۇلى بولىپ شىقتى. ەر ادامدى ىزدەپ تاۋىپ، اۋداندىق بولىمشەگە اپاردى»، - دەلىنگەن حابارلامادا.

پوليسەيلەردىڭ مالىمدەۋىنشە، اناسىن سوققىعا الاردا ەر ادام ماس كۇيدە بولعان. جانجال بارىسىندا ول اناسىنىڭ باسىنا كوسەۋدى لاقتىرىپ جىبەرگەن.

رايىمبەك اۋداندىق ىشكى ىستەر ءبولىمى پوليسەيلەرى تەرگەۋ جۇمىستارىن باستادى. كۇدىكتىگە قاتىستى «سوتقا كەلۋ مىندەتتەمەسى» پروسەسسۋالدىق ماجبۇرلەۋ شاراسى قولدانىلادى.