بۇگىن الماتىدا مۇحتار اۋەزوۆ اتىنداعى دراما تەاترىندا قالالىق اكىمدىكتىڭ ۇيىمداستىرۋىمەن ەلىمىزگە بەلگىلى اكتەر قۇمان تاستامبەكوۆپەن قوشتاسۋ ءراسىمى ءوتتى، دەپ جازادى Qamshy.kz اقپارات اگەنتتىگى.

قوشتاسۋ راسىمىنە الماتى قالاسىنىڭ اكىمى باۋىرجان بايبەك، ءاسانالى ءاشىموۆ باستاعان ونەر جولىنداعى قايرتاكەرلەر مەن زيالى قاۋىم تۇگەل جينالدى.

بىرنەشە كۇن بۇرىن «قىز جىبەك» فيلمىندە تولەگەننىڭ ءرولىن سومداعان اكتەر قۇمان نۇرماعان ۇلى تاستامبەكوۆ كوز جۇمدى.

ايتا كەتەر بولساق، قۇمان تاستامبەكوۆتىڭ ەڭ العاش سومداعان ءرولى — قىز جىبەك فيلمىندەگى تولەگەن وبرازى. وسى فيلمنەن كەيىن ول بۇكىل قازاققا تولەگەن رەتىندە تانىمال بولدى. بۇدان كەيىن دە ول كوپتەگەن فيلمدەرگە ءتۇستى جانە تەاتر ساحناسىندا دا ءتۇرلى وبرازداردى سومدادى. ول «قازاقستان لەنين كومسومولى» سىيلىعىنىڭ يەگەرى اتانىپ، «قۇرمەت» وردەنىمەن ماراپاتتالعان.