مەملەكەت باسشىسىنىڭ جارلىعىمەن اسقار يسابەك ۇلى مىرزاحمەتوۆ جامبىل وبلىسىنىڭ اكىمى بولىپ تاعايىندالدى دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەپ.
ايتا كەتەيىك، اسقار مىرزاحمەتوۆ 2016 جىلدىڭ ماۋسىمىندا مەملەكەت باسشىسىنىڭ جارلىعىمەن پرەمەر-مينيستردىڭ ورىنباسارى قىزمەتىنە تاعايىندالعان بولاتىن.
مەملەكەت باسشىسىنىڭ جارلىعىمەن اسقار يسابەك ۇلى مىرزاحمەتوۆ جامبىل وبلىسىنىڭ اكىمى بولىپ تاعايىندالدى
— پرەسس-سلۋجبا اكوردى (@AkordaPress) January 10، 2018
اسقار يسابەك ۇلى مىرزاحمەتوۆ 1962 جىلى 1 قازاندا شىمكەنت قالاسىندا دۇنيەگە كەلگەن. اۋىل شارۋاشىلىعى جانە ەكونوميكا ماماندىقتارى بويىنشا ءبىلىم العان.
1997 جىلدان 2006 جىلدىڭ قاڭتارىنا دەيىن قازاقستان پرەمەر-مينيسترىنىڭ كەڭەسشىسى، قازاقستان رەسپۋبليكاسى اۋىل شارۋاشىلىعى ۆيسە-مينيسترى، ءبىرىنشى ۆيسە-مينيسترى جانە اۋىل شارۋاشىلىعى ءمينيسترى لاۋازىمدارىندا قىزمەت اتقارعان.
2006 جىلدىڭ ساۋىرىنەن 2007 جىلدىڭ قىركۇيەگى اراسىندا قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى.
2007 جىلدىڭ قىركۇيەگىنەن 2009 جىلدىڭ ناۋرىزى ارالىعىندا – «وڭتۇستىك» الەۋمەتتىك كاسىپكەرلىك كورپوراسياسى» ۇلتتىق كومپانياسى» اق باسقارماسىنىڭ ءتوراعاسى.
2009 جىلعى ناۋرىزدان 2015 جىلعى تامىزعا دەيىن - وڭتۇستىك قازاقستان وبلىسىنىڭ اكىمى.
2015 جىلعى تامىزدان باستاپ 2016 جىلدىڭ مامىرىنا دەيىن – «نۇر وتان» پارتياسى ءتوراعاسىنىڭ ءبىرىنشى ورىنباسارى.
2016 جىلدىڭ مامىرىنان – ق ر اۋىل شارۋاشىلىعى ءمينيسترى.
2016 جىلدىڭ ماۋسىمىندا مەملەكەت باسشىسىنىڭ جارلىعىمەن پرەمەر-مينيستردىڭ ورىنباسارى قىزمەتىنە تاعايىندالدى (ق ر پرەمەر-مينيسترىنىڭ ورىنباسارى – ق ر اۋىل شارۋاشىلىعى ءمينيسترى بولدى).
پىكىر قالدىرۋ