قازاقاۆتوجول» رمك دەرەگى بويىنشا قازاقستاننىڭ ءتورت وبلىسىندا جول جابىلدى، دەپ حابارلايدى Qamshy.kz اقپارات اگەنتتىگى

وسىلايشا استانادا ساعات 01:00-دەن باستاپ اۋا رايىنىڭ كۇرت ناشارلاۋىنا بايلانىستى بارلىق كولىك قۇرالدارى ءۇشىن بارلىق باعىتتاعى قوزعالىسقا شەكتەۋ قويىلدى.

اقمولا وبلىسىندا تاڭعى ساعات 08:30-دان باستاپ اۋا رايىنىڭ كۇرت قۇبىلۋى سالدارىنان بارلىق كولىك قۇرالدارىنىڭ تۇرلەرى ءۇشىن جولدار جابىلدى.

قاراعاندى وبلىسىندا 08:00-دەن باستاپ بوران مەن كورۋ مۇمكىنشىلىگىنىڭ شەكتەلۋىنە بايلانىستى اۆتوكولىك قۇرالدارىنىڭ بارلىق تۇرلەرى ءۇشىن جولعا شىعۋعا تىيىم سالىندى.

قىزىلوردا وبلىسىندا 00:30-دان باستاپ كوكتايعاق سالدارىنان رەسپۋبليكالىق ماڭىزى بار «سامارا-شىمكەنت» تاسجولىنىڭ 1630-1720 شاقىرىم ارالىعىندا (قورقىت كەسەنەسىنەن بۇقارباي باتىر اۋىلىنا دەيىن) اۆتوكولىك قۇرالدارىنىڭ بارلىق تۇرلەرى ءۇشىن جول قوزعالىسى شەكتەلدى.

پاۆلودار وبلىسىندا ساعات 00:43-تەن باساپ اۋا رايىنىڭ قولايسىزدىعىنا (جەلدىڭ كۇشەبى، بوران، جولدىڭ كورىنبەۋى) «استانا-شىدەرتى» اۆتوجولىنىڭ 205-259 شاقىرىم ارالىعىندا (شىدەرتى كەنتىنەن اقمولا وبلىسىنا دەيىن) بارلىق اۆتوكولىك قۇرالدارىنىڭ تۇرلەرىنە قوزعالىس جابىلدى.