سوڭعى 3 جىلدا ەلىمىزدە جەمقورلىققا جول بەرگەن 2 جارىم مىڭنان اسا ادام سوتتالدى. بۇل تۋرالى Qamshy.kz اقپارات اگەنتتىگى 24.kz-كە سىلتەمە بەرىپ حابارلايدى. اراسىندا شەنەۋنىكتەر مەن مەملەكەتتىك كومپانيا باسشىلارى دا بار. 17 ملرد تەڭگە مەملەكەت قازىناسىنا قايتارىلدى.

وسىلاي دەگەن ەلباسى حالىققا جولداۋىندا جەمقورلىقپەن كۇرەس جانە زاڭنىڭ ۇستەمدىگى تاقىرىبىنا توقتالىپ، وسى باعىتتا اۋقىمدى ىستەر اتقارىلىپ جاتقانىن ايتتى. ءتيىستى ماسەلەنى قوزعاي وتىرىپ، پرەزيدەنت مەملەكەتتىك ورگاندارداعى ۇدەرىستەردى سيفرلاندىرۋ ماڭىزدىلىعىن دا اتاپ ءوتتى. «وسى رەتتە حالىق وتىنىشتەرىنىڭ قاراستىرىلۋ بارىسىن قاداعالاپ، كوكەيىندەگى سۇراقتارعا ۋاقىتىلى جاۋاپ الۋ»، – كەرەك دەيدى. ەلباسى سونداي-اق سوت جانە قۇقىق قورعاۋ جۇيەسىندەگى تۇبەگەيلى وزگەرىستەردى دە تىلگە تيەك ەتتى. اتاپ ايتقاندا، ءقازىر زاڭناماعا قىلمىستىق پروسەستەگى ازاماتتاردىڭ قۇقىعىن قورعاۋدى كوزدەيتىن نورمالار ەنگىزىلىپ جاتىر. ادۆوكاتتاردىڭ قۇقىعى كەڭەيتىلگەن. قۇقىق قورعاۋ ورگاندارىنىڭ وكىلەتتىگى مەن جاۋاپكەرشىلىك ايماعى دا اجىراتىلعان.