بۇگىن 2018 جىلداعى ۇكىمەتتىڭ العاشقى وتىرىسىندا 2017 جىلعى الەۋمەتتىك-ەكونوميكالىق دامۋ مەن رەسپۋبليكالىق بيۋدجەتتىڭ اتقارىلۋىنىڭ الدىن الا قورىتىندىلارى شىعارىلدى، دەپ حابارلايدى Qamshy.kz اقپارات اگەنتتىگى.
1. جالپى ماكروكورسەتكىشتەر
الدىن الا باعالاۋ بويىنشا 2017 جىلعى قاڭتار-جەلتوقساندا ءجىو-نىڭ ءوسۋى 2016 جىلدىڭ ۇقساس كەزەڭىمەن سالىستىرعاندا 4،0%-دى قۇرادى.
6 نەگىزگى سالانىڭ (ونەركاسىپ، اۋىل شارۋاشىلىعى، قۇرىلىس، ساۋدا، كولىك، بايلانىس) دامۋ سەرپىنىن قامتيتىن قىسقا مەرزىمدى ەكونوميكالىق ينديكاتور 2017 جىلعى قاڭتار-قاراشاداعى 105،1% قاراعاندا 105،2%-دى قۇرادى.
جىلدىق ماندەگى ينفلياسيا 2016 جىلعى جەلتوقساندا 8،5%-عا قاراعاندا 7،1%-دى قۇرادى. ازىق-تۇلىك تاۋارلارىنىڭ باعاسى 6،5%-عا، ازىق-تۇلىك ەمەس تاۋارلاردىڭ باعاسى – 8،9%-عا، اقىلى كورسەتىلەتىن قىزمەتتەر باعاسى – 5،9%-عا ءوستى.
ايلىق ينفلياسيا اعىمداعى جىلعى جەلتوقساندا 0،7% قۇرادى.
ينفلياسيالىق پروسەستەردىڭ باسەڭدەۋى اياسىندا 2016 جىلدىڭ باسىنان باستاپ ق ر ۇب بازالىق مولشەرلەمەنى 2017 جىلعى قاراشادا دا ساقتالعان 2016 جىلعى اقپانداعى 17%-دان (2016 جىلعى مامىردا 15%، شىلدەدە 13،0%، قازاندا 12،5%، قاراشادا 12%، 2017 جىلعى اقپاندا 11،0%، ماۋسىمدا 10،5%-عا دەيىن) 2017 جىلعى تامىزدا 10،25%-عا دەيىن بىرتىندەپ تومەندەتتى.
نەگىزگى كاپيتالعا ينۆەستيسيالار كولەمى 5،5%-عا (2017 جىلعى قاڭتار-قاراشادا 5،7%، 2017 جىلعى قاڭتار-قازاندا 6،5%) ۇلعايدى، ءوسۋ «نۇرلى جول» جانە «ييد مب» مەملەكەتتىك باعدارلامالارى شەڭبەرىندە يندۋستريالىق-يننوۆاسيالىق جانە ينفراقۇرىلىمدىق جوبالاردىڭ ىسكە اسىرىلۋىنا نەگىزدەلگەن.
سالالار بولىنىسىندە ينۆەستيسيالاردىڭ ەلەۋلى ءوسۋى اۋىل شارۋاشىلىعىندا (29،3%-عا، 352،5 ملرد. تەڭگەگە دەيىن)، ساۋدادا (21،8%-عا، 203،5 ملرد. تەڭگەگە دەيىن)، قۇرىلىستا (11،8%-عا، 73،6 ملرد. تەڭگەگە دەيىن) جانە ونەركاسىپتە
(3،8%-عا، 4 792،4 ملرد. تەڭگەگە دەيىن) بايقالادى.
ەلدىڭ حالىقارالىق رەزەرۆتەرى 2017 جىلعى 1 جەلتوقسانداعى جاعداي بويىنشا 88،6 ملرد. اقش دوللارىن قۇرادى جانە 2016 جىلدىڭ ءتيىستى كۇنىمەن سالىستىرعاندا 2،1%-عا ازايدى (2017 جىلدىڭ باسىنان باستاپ 2،5%-عا تومەندەدى)، ونىڭ ىشىندە ۇلتتىق قوردىڭ شەتەل ۆاليۋتاسىنداعى اكتيۆتەرى 2016 جىلدىڭ ءتيىستى كەزەڭىمەن سالىستىرعاندا 5،6%-عا 57،6 ملرد. اقش دوللارىنا دەيىن تومەندەدى (2017 جىلدىڭ باسىنان باستاپ 6،0%-عا تومەندەدى). ۇلتتىق بانكتىڭ التىن-ۆاليۋتا اكتيۆتەرى 31،1 ملرد. اقش دوللارىن قۇرادى جانە 2016 جىلدىڭ ءتيىستى كۇنىمەن سالىستىرعاندا 5،1%-عا ۇلعايدى (2017 جىلدىڭ باسىنان باستاپ 4،6%-عا ۇلعايدى).
جۇمىسسىزدىق دەڭگەيى 2017 جىلعى قاراشادا (باعالاۋ) 5،0%-دى قۇرادى.
- ەكونوميكا سالالارىنداعى احۋال
2017 جىلى ونەركاسىپتە (7،1%-عا)، كولىك سالاسىندا (4،8%-عا)، بايلانىستا (3،3%-عا)، ساۋدادا (3،2%-عا)، اۋىل شارۋاشىلىعىندا (2،9%-عا) جانە قۇرىلىستا (1،9%-عا) ءوسۋدىڭ وڭ سەرپىنى بايقالدى.
2017 جىلى ونەركاسىپ ءوندىرىسىنىڭ كولەمى 7،1%-عا ۇلعايدى. ونەركاسىپتىڭ وسۋىنە مۇناي، تابيعي گاز، مەتالل كەندەرىن ءوندىرۋ، كومىر جانە ليگنيت، مۇناي وڭدەۋ ونىمدەرىن ءوندىرۋ جانە مەتاللۋرگيا ونەركاسىبى ەلەۋلى اسەر ەتتى.
مۇناي ءوندىرۋدىڭ – 10،5%-عا، تابيعي گاز ءوندىرۋدىڭ – 10،1%-عا، تەمىر كەنىن ءوندىرۋدىڭ – 6،9%-عا، كومىر جانە ليگنيت ءوندىرۋدىڭ – 6،0%-عا ءوسۋى ەسەبىنەن كەن ءوندىرۋ ونەركاسىبىندە جانە كارەرلەردى يگەرۋدە ءوندىرىس 9،3%-عا ۇلعايدى.
فارماسيەۆتيكالىق ونىمدەر ءوندىرۋ – 41،8%-عا، توقىما بۇيىمدارىن
ءوندىرۋ – 11،2%-عا، قاعاز جانە قاعاز ونىمدەرىن ءوندىرۋ – 5،6%-عا، مۇناي وڭدەۋ ونىمدەرىن ءوندىرۋ – 5،1%-عا، تاماق ونىمدەرىن ءوندىرۋ – 4،1%-عا، سۋسىن ءوندىرۋ – 4،0%-عا ءوسۋى ەسەبىنەن وڭدەۋ ونەركاسىبىندە 5،1%-عا ۇلعايۋ ورىن الدى. سونداي-اق، جيھاز ءوندىرۋ – 9،4%-عا، مەتاللۋرگيا ونەركاسىبى – 5،9%-عا جانە ماشينا جاساۋ – 5،6%-عا ءوستى.
ەلەكتر ەنەرگياسىن ءوندىرۋ كولەمىنىڭ 6،2%-عا ۇلعايۋى ەسەبىنەن ەلەكترمەن جابدىقتاۋ، گاز، بۋ بەرۋ جانە اۋا باپتاۋ 4،9%-عا ءوستى.
سۋمەن جابدىقتاۋ جانە كارىز جۇيەسى 0،2%-عا تومەندەدى.
وڭىرلىك بولىنىستە ونەركاسىپتىك ءوندىرىس كولەمىنىڭ ءوسۋى 14 وڭىردە، تومەندەۋى 1 وڭىردە، 1 وڭىردە – بىلتىرعى جىلدىڭ دەڭگەيىندە بايقالادى.
ونەركاسىپتىڭ نەعۇرلىم جوعارى ءوسۋ قارقىنى اتىراۋ (20،8%-عا) وبلىسىندا جانە استانا قالاسىندا (7،8%-عا) بايقالادى.
مال شارۋاشىلىعى ونىمدەرى ءوندىرىسىنىڭ 3،9%-عا ۇلعايۋى ەسەبىنەن
اۋىل شارۋاشىلىعىنىڭ جالپى ءونىمىنىڭ ءوسۋى 2،9%-دى قۇرادى.
اۋىل شارۋاشىلىعى ونىمدەرى ءوندىرىسىنىڭ ءوسۋى 14 وڭىردە بايقالىپ وتىر.
ەڭ كوپ ءوسۋ ماڭعىستاۋ (8،2%-عا)، پاۆلودار (6،7%-عا)، جامبىل (5،5%-عا) جانە اقتوبە (5،3%-عا) وبلىستارىندا بەلگىلەندى.
قۇرىلىس جۇمىستارى 1،9%-عا ءوستى.
قۇرىلىس كولەمىنىڭ ءوسۋى رەسپۋبليكانىڭ 15 وڭىرىندە، تومەندەۋى 1 وڭىرىندە بايقالادى.
قۇرىلىستىڭ نەعۇرلىم جوعارى قارقىنى قوستاناي (27،8%-عا)، اقمولا (15،9%-عا)، قىزىلوردا (10،8%-عا) جانە اقتوبە (10،4%-عا) وبلىستارىندا تىركەلگەن.
قۇرىلىس جۇمىستارى كولەمىنىڭ ەلەۋلى تومەندەۋى اتىراۋ وبلىسىندا
(6،8%-عا) بايقالادى.
باتىس قازاقستان (42،4%-عا)، وڭتۇستىك قازاقستان (36،2%-عا)، قوستاناي (35،9%-عا) جانە پاۆلودار (31،2%-عا) وبلىستارىندا تۇرعىن ءۇيدى پايدالانۋعا بەرۋ قارقىنىنىڭ ايتارلىقتاي ۇلعايۋى ەسەبىنەن 2017 جىلعى قاڭتار-جەلتوقسانداعى تۇرعىن ۇيلەردى پايدالانۋعا بەرۋ 6،2%-عا ءوستى.
كولىك قىزمەتتەرىنىڭ كولەمى 4،8%-عا ۇلعايدى، جۇك تاسىمالداۋ كولەمى 5،2%-عا، جولاۋشىلاردى تاسىمالداۋ 1،7%-عا ءوستى. بايلانىس قىزمەتتەرىنىڭ كولەمى 3،3%-عا ۇلعايدى. بولشەك جانە كوتەرمە ساۋدا كولەمى 3،2%-عا ءوستى.
