ق ر پرەزيدەنتىنىڭ جولداۋىندا جاڭعىرۋدىڭ نەگىزى رەتىندە قاراستىرىلاتىن ادامي كاپيتالدىڭ دامۋىنا باسىمدىق بەرىلگەن. بۇل زاماناۋي سىن-تەگەۋرىندەرگە جاۋاپ بەرەتىن شەشىم، سەبەبى، بۇگىنگى پوستيندۋستريالدى دامۋ، يننوۆاسيالىق ەكونوميكا، ءبىلىم ەكونوميكاسى عاسىرىندا جوعارى دەڭگەيلى مامان، ءوز ءىسىنىڭ شەبەرى كەز-كەلگەن مەملەكەتتىك ارتىقشىلىعى بولىپ تابىلادى.

پرەزيدەنت جولداۋىندا ءبىلىم باعدارلامالارىنىڭ نەگىزگى باسىمدىلىعى جاڭا ءبىلىمدى وزگەرتۋ مەن يگەرۋ، سوعان ۇدايى بەيىمدەلۋ بولۋى كەرەكتىگى ايتىلعان. بۇل فاكتور زاماناۋي قوعامنىڭ جىلدام وزگەرىپ وتىراتىندىعىمەن بايلانىستى. يننوۆاسيا مەن جىلدامدىق قازىرگى الەمدە باسەكەگە قابىلەتتىلىكتىڭ باستى بەلگىسى. سوندىقتان، الەمدەگى وزگەرىستەردەن قالىسپاۋ بۇگىنگى تاڭدا كوشتەن قالماۋداعى ەڭ ماڭىزدى شارت بولىپ تابىلادى.

ۆر جاھاندىق كورپوراسياسى سەكىلدى بيزنەس سالاسىنىڭ ماماندارى بۇگىندە ەڭبەك نارىعىندا كاسىبي قۇزىرەتتىلىك دەڭگەيى بەلگىلى ءبىر ماماننىڭ باسەكەگە قابىلەتتىلىگىن بىلدىرمەيدى، سەبەبى كۇندەلىكتى ءتۇرلى وزگەرىستەر  ورىن الۋدا دەپ ەسەپتەيدى.

اتاپ ايتقاندا، الداعى ون جىلدىقتا جاڭا تەحنولوگيالار كوپتەگەن ماماندىقتاردىڭ جوعالۋىنا اكەلىپ سوقپاق، تىڭ ماماندىقتارعا سۇرانىستار ارتىپ كەلەدى. ناقتىلاساق، ءوندىرىس، دەنساۋلىق ساقتاۋ، ساۋدا، مەملەكەت باسقارۋ سالالارىنداعى اقپاراتتىق تەحنولوگيالارعا اسەر ەتىپ جاتقان Big Data ۇلكەن دەرەكتەر تەحنولوگياسى ماماندارىنا سۇرانىس ارتىپ كەلەدى.

وسى فاكتوردى ەسكەرە وتىرىپ، جولداۋدا بارلىق جاستاعى ازاماتتاردى قامتيتىن الدىڭعى قاتارلى ءبىلىم جۇيەسىن جاساۋ تۋرالى ايتىلدى.

مەنىڭشە، ءار وڭىردەگى وقۋشىلار سارايلارىنىڭ جانىنان كومپيۋتەرلەر، زەرتحانالار مەن 3D-پرينتەرلەر سەكىلدى بارلىق قاجەتتى ينفراقۇرىلىمى بار بالالار تەحنوپاركى مەن بيزنەس-ينكۋباتورلاردى جاساۋ شەشىمى دە وتە ماڭىزدى. بۇل جاس بۋىننىڭ عىلىمي-زەرتتەۋ مەن وندىرىستىك-تەحنولوگيالىق ورتاعا بەيىمدەلۋىنە، جاڭا ءارى سۇرانىسقا يە ماماندىقتار بويىنشا بىلىكتى مامان دايارلاۋعا سەپتىگىن تيگىزەدى، بۇل وزگەرىپ جاتقان جاڭا الەمنىڭ باستى تالابى.

وسىلايشا، ەلباسىنىڭ 2018 جىلعى جولداۋىندا جوعارى دەڭگەيلى يندۋستريالدى سەكتوردى پايدالانۋ تۋرالى ناقتى ايتىلىپ وتىر. ارينە، بۇل كۇردەلى ماسەلە، دەگەنمەن، بۇل دامىعان ەلدەر قاتارىنا كىرۋدىڭ بىردەن-بىر جولى. پرەزيدەنتتىڭ ءبىلىم جۇيەسىنە ءوز ينۆەستيسيالىق جوبالارى مەن ەكسپورتتىق الەۋەتى بار ەكونوميكانىڭ ءبىر سالاسى رەتىندە قاراۋعا شاقىرۋىنىڭ ءمانى وسىندا.

ايمان ءجۇسىپوۆا،

ق ر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ (اەسي) جەتەكشى ساراپشىسى