2017 جىلدىڭ وزىندە اقىرزامان بولادى دەگەن اقپاراتتار ءجيى تارالدى. اقىرزامان وتكەن جىلدىڭ تامىز، قازان، قاراشا ايلارىندا بولادى دەپ بولجالدى. جەردىڭ، ادامزاتتىڭ جويىلۋىن تەك استرولوگتار مەن كورىپكەلدەر عانا ەمەس عالىمدار دا بولجادى.  Qamshy.kz اقپارات اگەنتتىگى ريا نوۆوستي-گە سىلتەمە بەرىپ تانىمال عالىمداردىڭ اقىرزاماندى قاشان جانە قالاي بولاتىنىن ايتقان بولجامدارىن ۇسىنامىز.

ستيۆەن حوكينگ

اتاقتى عالىم ادامزات جەر بەتىنەن 2600 جىلعا قاراي جويىلاتىنىن العا تارتادى. ونىڭ ويىنشا، جەر شارىندا حالىق سانىنىڭ شەكتەن تىس كۇر ءوسۋى عالامشاردى «وتتى شارعا» اينالدىرادى. بۇل جاعدايدان شىعۋدىڭ ءبىر عانا ءتاسىلى بار. ول باسقا عالامشار تاۋىپ، سوعان كوشۋ.

كيەۆين ۋوريك

بريتاندىق كيبەرنەتيك "كيبورگ-ادام" دەگەن لاقاپ اتقا يە. ونىڭ دەنەسىندە كومپيۋتەرلىك چيپتەر سالىنعان. اتالعان چيپتار ارقىلى ونىڭ جۇيكە جۇيەسى كومپيۋتەرگە سيگنال جىبەرەدى. عالىمنىڭ ويىنشا، ادامزاتتىڭ تۇبىنە جەتەتىن-روبوتتار.

فرانك فەننەر

اۆستراليالىق ۆيرۋسولوگ شەشەك اۋرۋىن جەڭۋدىڭ جولدارىن ويلاپ تاپقان جانە ونىڭ زەرتتەۋلەرى ادامزات ءۇشىن قۇندى بولىپ تابىلادى. 2010 جىلى كوز جۇمعان عالىم ادامزاتقا تەك 100 جىل ءومىر ءسۇرۋ قالدى دەپ بولجاعان. ونىڭ ايتۋىنشا، ادامزاتتىڭ تۇبىنە جەتەتىن ۇزدىكسىز تۇتىنۋ.