Facebook الەۋمەتتىك جەلىسىنىڭ نەگىزىن قالاۋشى مارك سۋكەربەرگ الداعى ۋاقىتتا اتالمىش جەلىدە ورىن الاتىن وزگەرىستەر جايىندا ايتتى، دەپ حابارلايدى Qamshy.kz اقپارات اگەنتتىگى. سۋكەربەرگ بۇل جايىندا ءوزىنىڭ جەكە پاراقشاسىندا جازدى.

«مەن ءبىزدىڭ جۇمىس توبىمىزعا ءوزارا الەۋمەتتىك ارەكەتتەسۋدى  قالىپتاستىرۋ ءۇشىن دۇرىس مازمۇندى كونتەنت تابۋعا كومەكتەسۋ ماقساتىندا وزگەرىستەر ەنگىزدىم. ەڭ الدىمەن، سىزدەر جاڭالىقتار لەنتاسىنان وزگەرىستەردى بايقايتىن بولاسىزدار»، - دەيدى سۋكەربەرگ.

ونىڭ ايتۋىنشا، ءتۇرلى كومپانيالار مەن باق-تىڭ پوستتارى ازايىپ، ولاردىڭ مازمۇنى ادامدار اراسىنداعى ماڭىزدى قارىم-قاتىناستى ورنالاستىرۋعا قاتىستى بولۋى مىندەتتەلەدى.

«مۇنداي وزگەرىستەردى ەنگىزگەننەن كەيىن ادامدار بۇل جەلىدە كوپ وتىرمايدى دەپ ويلايمىن جانە دە سايتتارعا كىرۋ مۇمكىنشىلىگى دە ازاياتىن بولادى. الايدا، ءسىز Facebook جەلىسىندە وتىرىپ قۇرتقان ۋاقىتىڭىز بوس كەتپەيدى دەپ ۇمىتتەنەمىن. ەگەر مەنىڭ ىستەپ وتىرعانىم دۇرىس بولسا، وندا بۇل قوعامعا وڭ وزگەرىستەر ەنگىزەدى دەپ ويلايمىن»، - دەيدى ول.