الماتىدا كولىك رەفورماسىن جانە قوعامدىق كولىك جۇيەسىن تۇراقتاندىرۋ اياسىندا جىلجىمالى سوستاۆتى جاڭالاۋ جانە باعىتتار جەلىسىن ۇلعايتۋ جۇمىستارى جۇرۋدە. وسىعان وراي، بۇگىن سىيىمدىلىعى شاعىن اۆتوبۋستار قاتىنايتىن جاڭا ەكى №46 جانە №122 باعىتتارى اشىلدى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ مالىمەتىنە سۇيەنىپ حابارلايدى. 

ايتا كەتەرلىگى، جەتىسۋ اۋدانى تۇرعىندارىنىڭ كو وتىنىمدەرى بويىنشا № 46 باعىتى اشىلدى. كولىك پەرۆومايكا ىقشام اۋدانىن – ۋنيۆەرسالدى بازاردى – قۇلاگەر ەلدى مەكەنىن – جەتىسۋ اۋداندىق اكىمدىگىن – بەلينسكيي كوشەسىن قامتىپ، «الماتى-1» تەمىرجول ۆوكزالىنا دەيىن بارادى. بۇل باعىت بويىنشا جىلجىمالى سوستۆاتىڭ 10 بىرلىگى قىزمەت كورسەتەدى، ينتەرۆال اراسى 10 مينۋت. بولجامداعى جولاۋشىلار لەگى - تاۋلىگىنە 3000 ادام.

الاتاۋ اۋدانىنداعى راحات جانە مادەنيەت ەلدى مەكەندەرى تۇرعىندارىن كولىكپەن قامتۋ ءۇشىن بۇرىن ءبىر عانا اۆتوبۋس قاتىنايتىن №122 باعىتىنا تراسسيفيكاسيا بويىنشا وزگەرىس ەنگىزىلدى، ەندى كولىك مىنالاردى قامتيدى: راحات، مادەنيەت ىقشام اۋداندارى - №196 مەكتەپ - م.شوقاي كوشەسى - ورتالىق - ۇاك- سايالى – حقكو اۆتو - اقىن سارا كوشەسى - ب.مومىش ۇلى كوشەسى - ۋنيۆەرسيادا كوشەسى - الاتاۋ اۋدانىنىڭ حقكو. بۇگىننەن باستاپ بۇل باعىت بويىنشا بەس اۆتوبۋس جۇرۋدە، ينتەرۆالى 20 مينۋت.