قىتايدىڭ سۋدجوۋ قالاسىندا 19 جاستاعى قازاقستاندىق ستۋدەنت قىز 14ء-ىنشى قاباتتان قۇلاپ، قازا بولدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. قايعىلى جاعدايدى ق ر ءسىم باسپا ءسوز قىزمەتىنىڭ باسشىسى ءانۋار جايناقوۆ راستادى.  

«ءقازىر بۇل دەرەك بويىنشا جۇڭگو پوليسياسى تەرگەۋ جۇرگىزىپ جاتىر. پاكىستاننىڭ ەكى ازاماتى ۇستالدى. كەيىنىرەك ولاردىڭ بىرەۋى قولحاتپەن بوساتىلدى. قايعىلى جاعداي تۋرالى شانحاي قالاسىنداعى قازاقستان كونسۋلدىعى انىقتاپ ءبىلدى. ولار قىزدىڭ تۋعان-تۋىستارىنا حابار بەردى. كونسۋلدىق قىزمەتكەرلەرى قىزدىڭ اتا-اناسىنا قىتايدان قورعاۋشى تابۋعا قول ۇشىن بەردى»، - دەدى ءانۋار جايناقوۆ.

وقيعا 1 جەلتوقسان كۇنى شانحاي قالاسىنان 100 شاقىرىم جەردە ورنالاسقان سۋدجوۋ قالاسىندا بولدى. 1999 جىلى الماتى وبلىسىندا تۋعان ستۋدەنت قىز سۋدجوۋ قالاسىنداعى ۋنيۆەرسيتەتتەردىڭ بىرىندە 2-كۋرستا وقىپ جۇرگەن.

الدىن الا مالىمەت بويىنشا، 1 جەلتوقسان كۇنى پاكىستان ازاماتى قازاقستاندىق بويجەتكەن مەن ونىڭ قۇربىسىن ءوز تۋعان كۇنىن اتاپ وتۋگە شاقىرعان.

پاتەردە قر-دىڭ ەكى ازاماتشاسىنان بولەك، تاعى ءبىر پاكىستاندىق بولعان. ەر ادامدار ىشىمدىك ءىشىپ، قىزدارعا قول جۇمساي باستاعان سوڭ، ولاردىڭ ءبىرى پاتەردىڭ ءبىر بولمەسىنە قاشىپ كىرىپ، ەسىكتى ىشتەن جاۋىپ العان. ءبىرشاما ۋاقىتتان سوڭ بولمەدەن شىققان قىز قۇربىسىنىڭ 14ء-ىنشى قاباتتان قۇلاپ كەتكەنىن كورگەن.

ق ر ءسىم باسپا ءسوز قىزمەتى باسشىسىنىڭ ايتۋىنشا، ازىرگە قىزدىڭ ءوزى سەكىرىپ كەتكەنى، بولماسا بىرەۋدىڭ يتەرىپ جىبەرگەنى ناقتىلانعان جوق. دەگەنمەن، سوت-مەديسينالىق ساراپتامانىڭ ناتيجەسىندە قىزدىڭ بيىكتىكتەن قۇلاۋ سالدارىنان كوز جۇمعانى راستالدى.

ساراپتاما سونداي-اق ونىڭ دەنەسىندە زورلىق-زومبىلىق بەلگىلەرى بولماعانىن كورسەتكەن. «شانحايداعى قازاقستان كونسۋلدىعى مەن قحر-داعى قازاقستان ەلشىلىگى بۇل ماسەلەنى ءوزىنىڭ تىكەلەي باقىلاۋىنا الدى. مارقۇمنىڭ دەنەسى 25 جەلتوقساندا قازاقستانعا جەتكىزىلدى. وعان ق ر ەلشىلىگى بارىنشا كومەك كورسەتتى»، - دەپ اتاپ ءوتتى ءا.جايناقوۆ. رەسمي وكىلدىڭ حابارلاۋىنشا، مەرت بولعان قىزدىڭ قۇربىسى سۋدجوۋداعى وقۋىن جالعاستىرۋدا.