قازاقستان رەسپۋبليكاسى (ق ر) ەنەرگەتيكا ءمينيسترى (ەم) قانات بوزىمبايەۆ باستاعان قازاقستان دەلەگاسياسى ابۋ-دابيدە (بىرىككەن اراب امىرلىكتەرى) 13-14 قاڭتاردا وتەتىن جاڭارتىلاتىن ەنەرگيا كوزدەرى جونىندەگى حالىقارالىق اگەنتتىك (IRENA - International Renewable Energy Agency) اسسامبلەياسىنىڭ VIII سەسسياسىنىڭ جۇمىسىنا قاتىسادى دەپ حابارلايدى Qamshy.kz اقپارات اگەنتتىگى.
قانات بوزىمبايەۆ IRENA اسسامبلەياسىنىڭ VIII سەسسياسىنىڭ پلەنارلىق وتىرىسىندا ءسوز سويلەيدى دەپ كۇتىلۋدە.
سونىمەن قاتار، اسسامبلەيا سەسسياسىنىڭ الاڭىندا وقو ارىس قالاسىنداعى كۇن ەلەكتر ستانسياسىنىڭ (14 مۆت) قۇرىلىسى بويىنشا «زاداريا» جوباسىن قولداۋ بويىنشا ق ر ەم، ەۋروپالىق قايتا قۇرۋ جانە دامۋ بانكى جانە «URBASOLAR» اراسىندا كەلىسىمگە قول قويىلادى دەپ كۇتىلۋدە.
اسسامبلەيا سەسسياسىنىڭ جۇمىسى اياسىندا مينيسترلىكتىڭ بىرنەشە تاقىرىپ بويىنشا دوڭگەلەك ۇستەلدەرى ۇيىمداستىرىلادى: «ەنەرگيا ترانسفورماسياسىنىڭ جاھاندىق ۇدەتكىشى: جاڭارتىلاتىن ەنەرگيا كوزدەرىنە اۋقىمدى ينۆەستيسيالار»، «ەنەرگيانى جاڭارتۋعا ارنالعان يننوۆاسيالار: ەلەكتروندى موبيلدىلىك».
سونداي-اق، ق.بوزىمبايەۆتىڭ IRENA باس ديرەكتورى ادنان زە امين مىرزامەن، بىرىككەن اراب امىرلىكتەرىنىڭ ەنەرگەتيكا جانە ونەركاسىپ ءمينيسترى س. ال-مازرۋي مىرزامەن جانە «Mubadala Investment Company» مەملەكەتتىك ينۆەستيسيالىق كومپانياسىنىڭ مۇناي-گاز جانە مۇنايحيميالىق جوبالارى جونىندەگى باس اتقارۋشى ديرەكتورى، «Borealis AG» كومپانياسىنىڭ قاداعالاۋ كەڭەسىنىڭ مۇشەسى مۋساببەح ال-كاابي مىرزامەن جەكە كەزدەسۋلەرى كۇتىلۋدە.
IRENA اسسامبلەياسىنىڭ 8ء-شى سەسسياسىنىڭ جۇمىسى اياسىندا ADFD/IRENA جوبالارىن قارجىلاندىرۋدىڭ VI سيكلىنا قاتىسۋ مۇمكىندىگى قاراستىرىلۋدا.
قازاقستان دەلەگاسياسى سونىمەن قاتار 15 قاڭتاردا ابۋ-دابيدە وتەتىن «بولاشاقتىڭ ەنەرگياسى» اتتى XI دۇنيەجۇزىلىك ءسامميتىنىڭ اشىلۋ سالتاناتىنا جانە «Zayed Future Energy Prize» حالىقارالىق سىيلىعىنىڭ تاپسىرۋ سالتاناتىنا دا قاتىسۋعا نيەتتى، سونداي-اق وسىنىڭ اياسىندا حالىقارالىق كورمەگە جانە قازاقستاندىق پاۆيلوننىڭ جۇمىسىمەن تانىسادى.
