بۇگىن، 12ء-شى قاڭتار قاراعاندى وبلىسى، جەزقازعان قالاسى، «احمەت يشان ورازاي ۇلى» مەشىتىندە جۇما نامازىنان كەيىن «جانازا جانە جەرلەۋ راسىمدەرى» اتتى سەمينار ءوتتى دەپ حابارلايدى Qamshy.kz اقپارات اگەنتتىگى. سەمينارعا باس يمام ءمادي توقپان ۇلى، نايب يمامدار جانە قالا اقساقالدارى قاتىسىپ، قمدب-نىڭ «جانازا جانە جەرلەۋ راسىمدەرى» اتتى كىتابىنىڭ مىنا ءپاتۋالارى الىنىپ، ءبىر شەشىمگە كەلدى:

1. جانازادا ميتينگ توقتاتىلسىن،
2. جانازادا مارقۇمنىڭ ارتىنان جىرتىس تاراتۋ توقتاتىلسىن،
3. قۇدايى اس داستارحانىندا تورت، جەمىس-جيدەكتەر قويىلماسىن،
4. مارقۇمنىڭ جەتىسىن كافەدەن ەمەس، تەك ۇيدەن بەرۋ. جەتىسىنە كوڭىل ايتاتىن ادامدار عانا بارىلسىن،
5. جانازانىڭ اسىندا داستارحاننان ەشتەڭە الماۋ. ويتكەنى قارالى ۇيگە كوڭىل ايتۋعا كەلەتىن قوناقتارى بولادى. (قايتا-قايتا شاشىلماس ءۇشىن)،
6. جانازانىڭ اسىندا، قىرقىندا، جىلىندا ءسوز سويلەۋ توقتاتىلسىن.
7. جانازانىڭ اسىندا، جەتىسىندە، قىرقىندا، جىلىندا ۆيدەو روليك كورسەتپەۋ.
8. دالەلىندەگى (قوناق اسى) تاماق بەرۋ توقتاتىلسىن. (قارالى ۇيدە 3 كۇنگە دەيىن تاماق بەرىلمەيدى).
قورىتىندىلاي كەلە، ايتىلعان ءپاتۋالاردى اقسالداردىڭ بارلىعى ءبىراۋىزدان قولداپ، قابىلدادى. جانە مەشىت اسحاناسىنداعى اس ءمازىرىن اقساقالدار جانە جاماعاتتار بىرىگە وتىرا شەشىم قابىلدادى. وعان مىنالار كىرەدى:

1. باۋىرساق،
2. ماي،
3. قانت،
4. جەنت،
5. ورىك، مەيىز.
6. كامپيت
7. پەچەنە

جەزقازعان قالاسى، «احمەت يشان ورازاي ۇلى» مەشىتى