قارلى بوران اتىراۋدى دا اينالىپ وتپەدى. وتكەن تۇندە قالانىڭ كوممۋنالدىق قىزمەتتەرى قاۋىرت جۇمىس ىستەدى، دەپ حابارلايدى Qamshy.kz اقپارات اگەنتتىگى «قازاقپارات» مالىمەتىنە سۇيەنىپ.
«قالادا 12 قاڭتار كۇنى ءتۇس اۋا قار جاۋا باستادى. سينوپتيكتەر تاڭعا دەيىن تولاستامايدى دەپ بولجام جاسادى. سوندىقتان اتىراۋ قالاسىنىڭ اكىمى سەرىك شاپكەنوۆتىڭ تاپسىرماسىمەن «ارنايى اۆتوبازا» جشس-نىڭ قار كۇرەيتىن تەحنيكالارى بەس توپقا ءبولىنىپ، جۇمىس ىستەدى. كوكتايعاقتىڭ الدىن الۋ ماقساتىندا كوپىرلەر مەن جولدارعا ءۇش رەزەرۆۋار قۇم سەپتى. بارلىعى 28 ارنايى تەحنيكا جۇمىلدىرىلدى. تاڭعا دەيىن قالانىڭ ىشىندەگى جولدارمەن قوسا، قالا ماڭىنداعى اۋىلدىق وكرۋگتەردىڭ دە جولدارى قاردان تازارتىلدى»، - دەپ مالىمدەمە جاسادى قالا اكىمدىگىنىڭ باسپا ءسوز قىزمەتى.
ءقازىر قار توقتادى. قاردان تازارتۋ جۇمىستارى جالعاسىپ جاتىر.
