پاۆلوداردا جولاۋشىلارى مىنگەن ترامۆاي ورتەندى، - دەپ حابارلادى Qamshy.kz اقپارات اگەنتتىگى pavlodarnews.kz سايتىنا سىلتەمە جاساي وتىرىپ. "ترامۆاي باسقارماسى" اق باسپا ءسوز حاتشىسى تيموفەي گوليەۆتىڭ ايتۋىنشا، وقىس جاعداي تاڭەرتەڭ كۋتۋزوۆ پەن تولستوي كوشەلەرىنىڭ قيىلىسىندا ساعات 08:12 شاماسىندا بولعان.

«بۇگىن دەپو باعىتىنا قاراي جۇرگەن №11 ۆاگون ىستەن شىعىپ، وتقا ورانعان. ترامۆايدا توتەنشە جاعداي كەزىندە جولاۋشىلار بولعان. سانى بەلگىسىز. ولار دەر كەزىندە ۆاگوندى بوساتتى. زارداپ شەككەندەر جوق. ساعات 9:20 كەزىندە قوزعالىس قايتا قالپىنا كەلتىرىلدى. ال، قىزىل جالىننىڭ استىندا قالعان ۆاگوندى ترامۆاي باسقارماسىنا تىركەپ الىپ كەتتى. ساراپتاما تاعايىندالدى، جۋىق ارادا ءورتتىڭ سەبەبى انىقتالاتىن بولادى. الدىن الا بولجام بويىنشا، ەلەكتر سىمدارىنىڭ تۇيىقتالۋى سالدارىنان ءورت شىققان. بۇل ءبىراق، بولجام عانا»، - دەدى گوليەۆ.

ال پاۆلودار وبلىستىق تجد مالىمەتتەرى بويىنشا، ءورتتىڭ اۋماعى - 30 شارشى مەتر. وقيعا ورنىندا 16 ءورت ءسوندىرۋشى جۇمىس ىستەپ، ءۇش تەحنيكا جۇمىلدىرىلدى.