24 قاڭتارداعى مەتەورولوگيالىق جاعدايعا سايكەس، قازاقستاننىڭ 14 قالاسىندا اتموسفەرانىڭ لاستانۋى بايقالادى، دەپ حابارلايدى Qamshy.kz اقپارات اگەنتتىگى «قازگيدرومەتكە» سىلتەمە جاساپ.

سينوپتيكتەردىڭ ايتۋىنشا، قولايسىز مەتەوجاعداي استانا، اقتاۋ، اقتوبە، الماتى، قاراعاندى، قوستاناي، كوكشەتاۋ، اقسۋ، ەكىباستۇز، پاۆلودار، پەتروپاۆل، تاراز، وسكەمەن جانە شىمكەنت قالالارىندا بايقالادى.

اتىراۋ، قىزىلوردا، اقساي، ورال، تالدىقورعان قالالارىندا جاعدايدىڭ ناشارلاۋىنا اتموسفەرانى لاستاۋشى زاتتاردىڭ تارالۋى سەبەپشى بولعان. اۋانىڭ لاستانۋىنا بولجام جاساۋدا اتموسفەراداعى زياندى (لاستاۋشى) زاتتاردىڭ جينالۋىنا ىقپال ەتەتىن مەتەورولوگيالىق فاكتورلار (تىنىش، باياۋ جەل، تۇمان، ينۆەرسيا) ەسكەرىلەدى.

بۇل جاعدايدا ەلدى مەكەندەردەگى اتموسفەرالىق اۋانىڭ ساپاسى ناشارلاپ كەتەدى.  ەسكە سالا كەتسەك، بۇعان دەيىن قازگيدرومەت ءبىرقاتار قالادا اۋانىڭ لاستانۋىنا باقىلاۋ جۇرگىزە باستاعان بولاتىن.