قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا سلوۆاكيانىڭ قازاقستانداعى ەلشىسى پەتەر يۋزامەن كەزدەستى، دەپ جازادى Qamshy.kz اقپارات اگەنتتىگى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەتتىك حاتشى گ. ءابدىقالىقوۆا ەلىمىزدەگى ديپلوماتيالىق ميسسياسى اياقتالاتىن سلوۆاكيانىڭ قازاقستانداعى ەلشىسى پ.يۋزامەن كەزدەسۋ وتكىزدى.
كەزدەسۋدە قازاقستان مەن سلوۆاكيا اراسىنداعى قارىم-قاتىناستىڭ قازىرگى جاعدايى، سونداي-اق ساياسي، ەكونوميكالىق جانە مادەني-گۋمانيتارلىق ىنتىماقتاستىقتىڭ پەرسپەكتيۆالارى تالقىلاندى.
بيىل قازاقستان مەن سلوۆاكيا ديپلوماتيالىق قارىم-قاتىناستارىنىڭ 25 جىلدىعىن اتاپ وتۋدە. وسىعان وراي ەكى مەملەكەت اراسىنداعى تۇراقتى ءارى ساپالى دەڭگەيدەگى ساياسي بايلانىستارعا وڭ باعا بەرىلدى.
گ. ءابدىقالىقوۆا «ەكسپو-2017» كورمەسىنە قاتىسقانى ءۇشىن سلوۆاكيا باسشىلىعىنا ريزاشىلىق ءبىلدىرىپ، سلوۆاكيانىڭ بالامالى ەنەرگەتيكا سالاسىنداعى جەتىستىكتەرىنىڭ ماڭىزدىلىعىن اتاپ ءوتتى.
مەملەكەتتىك حاتشى قازاقستانداعى تابىستى قىزمەتى ءۇشىن سلوۆاكيا ەلشىسىنە العىس ايتتى.
پىكىر قالدىرۋ