وڭتۇستىك قازاقستاندا وبلىستى باسقارۋ سحەماسى نەگىزىندە 23 باسقارمانىڭ كەيبىرىنەن ءبىرقاتار مىندەتتەر الىنىپ 4 باسقارمانىڭ اتاۋى قايتا اۋىستىرىلدى. سونىمەن قاتار  ءتۋريزمدى دامىتۋ جانە تارتىلاتىن سىرتقى ينۆەستيسيانىڭ كولەمىن ارتتىرۋ ماقساتىندا جاڭا باسقارما قۇرىلدى، دەپ جازادى Qamshy.kz اقپارات اگەنتتىگى وقو اكىمدىنىڭ باسپا ءسوز قىزمەتىنە سىلتەمە جاساپ. 

اتالعان باسقارمالاردىڭ اتاۋىن وزگەرتىپ، جاڭا باسقارمانى قۇرۋ  تۋرالى شەشىم وتكەن جىلدىڭ قازانىندا  وتكەن وبلىستىق ءماسليحات سەسسياسىندا بەكىتىلىپ، وبلىس اكىمىنىڭ قاۋلىسىمەن قۇرىلىپ وتىر.

اتاپ ايتساق، وبلىستىق كاسىپكەرلىك، يندۋستريالدى-يننوۆاسيالىق دامۋ جانە تۋريزم باسقارماسىنىڭ تۋريزم سالاسىنداعى فۋنكسيالارى مەن وكىلەتتىكتەرى بەرىلە وتىرىپ «وڭتۇستىك قازاقستان وبلىسىنىڭ تۋريزم جانە  سىرتقى بايلانىستار باسقارماسى» قۇرىلىپ، «وڭتۇستىك قازاقستان وبلىسىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسى» بولىپ قايتا اتالدى.

ال وبلىستىق مادەنيەت باسقارماسى «وڭتۇستىك قازاقستان وبلىسىنىڭ مادەنيەت جانە تىلدەردى دامىتۋ باسقارماسى» بولىپ، وبلىستىق تىلدەردى دامىتۋ، ارحيۆتەر مەن قۇجاتتاما باسقارماسى «وڭتۇستىك قازاقستان وبلىسىنىڭ اقپاراتتاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسى» بولىپ قايتا اتالدى. وعان وبلىس اكىمى اپپاراتىنىڭ اقپاراتتاندىرۋ جانە مەملەكەتتىك قىزمەتتەر كورسەتۋ سالاسىنداعى فۋنكسيالارى مەن وكىلەتتىكتەرى بەرىلدى.

بۇدان بولەك، وبلىستىق جاستار ساياساتى ماسەلەلەرى جونىندەگى باسقارماعا ءبىلىم باسقارماسىنىڭ قورعانشىلىق، قامقورشىلىق جانە بالالاردىڭ قۇقىعىن قورعاۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ،  «وڭتۇستىك قازاقستان وبلىسىنىڭ وتباسى، بالالار جانە جاستار ىستەرى جونىندەگى باسقارماسى» بولىپ اۋىستىرىلدى.